قر پرەمەر-مينيسترٸ اسقار ماميننٸڭ تٶراعالىعىمەن ٶتكەن قر ٷكٸمەتٸنٸڭ وتىرىسىندا جەكە قورعانۋ قۇرالدارىن ٶندٸرۋ تۋرالى يندۋسترييا جەنە ينفراقۇرىلىمدىق دامۋ مينيسترٸ بەيبٸت اتامقۇلوۆ باياندادى, دەپ حابارلايدى "ۇلت اقپارات".
مينيستردٸڭ ايتۋىنشا, ٸشكٸ نارىقتى جەكە قورعانۋ قۇرالدارىمەن قامتاماسىز ەتۋ ماقساتىندا وتاندىق ٶنٸمدەردٸ شىعارۋ بويىنشا ٶندٸرٸستٸك قۋاتتى ۇلعايتۋ جالعاستىرىلۋدا.
مەديتسينالىق ماسكالار ٶندٸرٸسٸ
دەنساۋلىق ساقتاۋ مينيسترلٸگٸنٸڭ دەرەكتەرٸ بويىنشا 6 ايعا ماسكاعا دەگەن قاجەتتٸلٸك 111,2 ملن دانانى قۇرايدى.
«بٷگٸنگٸ تاڭدا 9 وتاندىق كەسٸپورىننىڭ قۋاتتىلىعى تەۋلٸگٸنە 490 مىڭ دانا مەديتسينالىق ماسكا شىعارۋعا مٷمكٸندٸك بەرەدٸ. ٶندٸرٸس كٶلەمٸن ۇلعايتۋ ماقساتىندا وسى جىلدىڭ سوڭىنا دەيٸن 4 جاڭا كەسٸپورىن اشۋدى جوسپارلاپ وتىرمىز», — دەدٸ ب. اتامقۇلوۆ.
وسى جوبالاردى ٸسكە قوسۋ جەنە جۇمىس ٸستەپ تۇرعان كەسٸپورىنداردىڭ ٶندٸرٸس كٶلەمٸن ۇلعايتۋ تەۋلٸگٸنە 1,1 ملن دانا ماسكا شىعارۋعا مٷمكٸندٸك بەرەدٸ.
كٶپ رەتتٸك ماسكالار ٶندٸرٸسٸ
تۇتاستاي العاندا حالىقتىڭ ماسكاعا دەگەن قاجەتتٸلٸگٸ وسى كەزەڭدە (6 اي) 144 ملن دانانى قۇرايدى.
بٷگٸندە بارلىق ماسكالاردىڭ تەۋلٸك سايىنعى كٶلەمٸ 413 مىڭ دانانى قۇرايدى.
«حالىقتى قاجەتتٸ ماسكالار سانىمەن قامتاماسىز ەتۋ ٷشٸن بٸز تٸگٸن كەسٸپورىندارى ەسەبٸنەن كٶپ مەرتە قولدانىلاتىن, الدىن الۋ, قورعاۋ ماسكالارىنىڭ ٶندٸرٸس كٶلەمٸن تەۋلٸگٸنە 800 مىڭ داناعا دەيٸن ۇلعايتۋدى جوسپارلاپ وتىرمىز», — دەدٸ مينيستر.
جەرگٸلٸكتٸ اتقارۋشى ورگاندار تٸگٸن كەسٸپورىندارىمەن كٶپ مەرتە قولدانىلاتىن ماسكالار قورىن قۇرۋ بويىنشا جۇمىستى باستادى.
مەديتسينالىق قولعاپتار ٶندٸرٸسٸ
مەديتسينالىق قولعاپتارعا قاجەتتٸلٸك 83,7 ملن جۇپ قولعاپتى قۇرايدى. قازٸرگٸ ۋاقىتتا ەكٸ كەسٸپورىن تەۋلٸگٸنە 330 مىڭ جۇپ قولعاپ شىعارادى, ەرٸ قاراي بٸز ٶندٸرٸس كٶلەمٸن تەۋلٸگٸنە 460 مىڭ جۇپقا دەيٸن ارتتىرۋدى جوسپارلاپ وتىرمىز.
قورعانىش كوستيۋمدەرٸمەن قامتۋ
6 ايعا قورعانىش كوستيۋمدەرٸنٸڭ قاجەتتٸلٸگٸ 1,3 ملن.دانانى قۇرايدى (دەنساۋلىق ساقتاۋ جٷيەسٸ ٷشٸن 747 مىڭ دانا جەنە مەملەكەتتٸك ورگاندار ٷشٸن 540 مىڭ دانا). ٶندٸرٸس كٶلەمٸن ارتتىرۋ ٷشٸن وسى جىلدىڭ سوڭىنا دەيٸن 3 جاڭا كەسٸپورىندى ٸسكە قوسۋ جوسپارلانعان.
«سونداي-اق, بٸز جۇمىس ٸستەپ تۇرعان كەسٸپورىنداردىڭ ٶندٸرٸس كٶلەمٸن ۇلعايتۋدى جوسپارلاپ وتىرمىز. بۇل شارالاردىڭ بارلىعى قورعانىس كوستيۋمدەرٸن ٶندٸرۋ كٶلەمٸن ايىنا 800 مىڭ داناعا دەيٸن جەتكٸزۋگە مٷمكٸندٸك بەرەدٸ», — دەدٸ ب. اتامقۇلوۆ.
ٶكپەنٸ جاساندى جەلدەتۋ اپپاراتتارى ٶندٸرٸسٸ
دەنساۋلىق ساقتاۋ مينيسترلٸگٸنٸڭ اقپاراتى بويىنشا 6 ايدا اتالمىش قۇرىلعىعا دەگەن قاجەتتٸلٸك 132 دانانى قۇرايدى. «كٶكشەتاۋ-4پ» موبيلدٸك اپپاراتتارى «تىنىس» اكتسيونەرلٸك قوعامى بازاسىندا ٶندٸرٸلەدٸ.
بٷگٸندە 380 بٸرلٸك ٶكپەنٸ جاساندى جەلدەتۋ اپپاراتى ٶندٸرٸلدٸ, ونىڭ ٸشٸندە 164 بٸرلٸك جٶنەلتۋگە دايىن, 216 بٸرلٸك زاۋىتتىق سىناقتاردان ٶتۋدە. قالعان 200 بٸرلٸك وسى جىلدىڭ شٸلدە ايىنىڭ سوڭىنا دەيٸن تاپسىرىلادى. ستاتسيونارلىق اپپاراتتاردى قوسىمشا شىعارۋ ماقساتىندا تٷرٸك جەنە قىتاي سەرٸكتەستەرٸمەن ٶندٸرٸستٸ يگەرۋ جٷرگٸزٸلۋدە.
«بارك تەحنولودجي» جاۋاپكەرشٸلٸگٸ شەكتەۋلٸ سەرٸكتەستٸگٸ قازاقستاندىق جوعارى تەحنولوگييالىق جوباسى ەزٸرلەنۋدە (نۇر-سۇلتان ق.)
«وسى جىلدىڭ شٸلدە ايىنىڭ سوڭىنا دەيٸن كومپانييا ٶز ەزٸرلەمەلەرٸن اياقتايدى جەنە اقىسىز نەگٸزدە قر دەنساۋلىق ساقتاۋ مينيسترلٸگٸنە تەستٸلەۋ ٷشٸن 20 اپپارات بەرەدٸ. قالعان 112 بٸرلٸك وسى جىلدىڭ تامىز-قىركٷيەك ايلارىندا شىعارىلادى», — دەدٸ ب. اتامقۇلوۆ.
ايتا كەتۋ كەرەك, «قازمەدتپريبور» جاۋاپكەرشٸلٸگٸ شەكتەۋلٸ سەرٸكتەستٸگٸ, «ورالمەدرەگيون» جاۋاپكەرشٸلٸگٸ شەكتەۋلٸ سەرٸكتەستٸگٸ ٶكپەنٸ جاساندى جەلدەتۋ اپپاراتتارىن شىعارۋعا بارلىق تەحنيكالىق بازاسى بار, ولار قاجەتتٸ ٶنٸم شىعارۋعا دايىن.
فارماتسەۆتيكالىق سالاداعى مەملەكەتتٸك قولداۋ شارالارىنىڭ بٸرٸ — تەگٸن مەديتسينالىق كٶمەكتٸڭ كەپٸلدٸك بەرٸلگەن كٶلەمٸ شەڭبەرٸندە ۇزاق مەرزٸمدٸ شارتتار جاساسۋ.
«سونداي-اق وتاندىق تاۋار ٶندٸرۋشٸلەردٸ قولداۋ ماقساتىندا جەرگٸلٸكتٸ اتقارۋشى ورگانداردى وتاندىق كەسٸپورىنداردىڭ ٶنٸمدەرٸنە باسا نازار اۋدارۋدى سۇرايمىز. بۇل بٸزدٸڭ كەسٸپورىندارعا ٶندٸرٸستٸك قۋاتتاردى ارتتىرۋعا جەنە جاڭا ٶندٸرٸستەردٸ ٸسكە قوسۋعا سەرپٸن بەرەدٸ», — دەپ تٷيٸندەدٸ مينيستر.
