QR Premer-Ministri Asqar Maminniń tóraǵalyǵymen ótken QR Úkimetiniń otyrysynda jeke qorǵaný quraldaryn óndirý týraly indýstriia jáne infraqurylymdyq damý ministri Beibit Atamqulov baiandady, dep habarlaidy "Ult aqparat".
Ministrdiń aitýynsha, ishki naryqty jeke qorǵaný quraldarymen qamtamasyz etý maqsatynda otandyq ónimderdi shyǵarý boiynsha óndiristik qýatty ulǵaitý jalǵastyrylýda.
Meditsinalyq maskalar óndirisi
Densaýlyq saqtaý ministrliginiń derekteri boiynsha 6 aiǵa maskaǵa degen qajettilik 111,2 mln danany quraidy.
«Búgingi tańda 9 otandyq kásiporynnyń qýattylyǵy táýligine 490 myń dana meditsinalyq maska shyǵarýǵa múmkindik beredi. Óndiris kólemin ulǵaitý maqsatynda osy jyldyń sońyna deiin 4 jańa kásiporyn ashýdy josparlap otyrmyz», — dedi B. Atamqulov.
Osy jobalardy iske qosý jáne jumys istep turǵan kásiporyndardyń óndiris kólemin ulǵaitý táýligine 1,1 mln dana maska shyǵarýǵa múmkindik beredi.
Kóp rettik maskalar óndirisi
Tutastai alǵanda halyqtyń maskaǵa degen qajettiligi osy kezeńde (6 ai) 144 mln danany quraidy.
Búginde barlyq maskalardyń táýlik saiynǵy kólemi 413 myń danany quraidy.
«Halyqty qajetti maskalar sanymen qamtamasyz etý úshin biz tigin kásiporyndary esebinen kóp márte qoldanylatyn, aldyn alý, qorǵaý maskalarynyń óndiris kólemin táýligine 800 myń danaǵa deiin ulǵaitýdy josparlap otyrmyz», — dedi ministr.
Jergilikti atqarýshy organdar tigin kásiporyndarymen kóp márte qoldanylatyn maskalar qoryn qurý boiynsha jumysty bastady.
Meditsinalyq qolǵaptar óndirisi
Meditsinalyq qolǵaptarǵa qajettilik 83,7 mln jup qolǵapty quraidy. Qazirgi ýaqytta eki kásiporyn táýligine 330 myń jup qolǵap shyǵarady, ári qarai biz óndiris kólemin táýligine 460 myń jupqa deiin arttyrýdy josparlap otyrmyz.
Qorǵanysh kostiýmderimen qamtý
6 aiǵa qorǵanysh kostiýmderiniń qajettiligi 1,3 mln.danany quraidy (Densaýlyq saqtaý júiesi úshin 747 myń dana jáne memlekettik organdar úshin 540 myń dana). Óndiris kólemin arttyrý úshin osy jyldyń sońyna deiin 3 jańa kásiporyndy iske qosý josparlanǵan.
«Sondai-aq, biz jumys istep turǵan kásiporyndardyń óndiris kólemin ulǵaitýdy josparlap otyrmyz. Bul sharalardyń barlyǵy qorǵanys kostiýmderin óndirý kólemin aiyna 800 myń danaǵa deiin jetkizýge múmkindik beredi», — dedi B. Atamqulov.
Ókpeni jasandy jeldetý apparattary óndirisi
Densaýlyq saqtaý ministrliginiń aqparaty boiynsha 6 aida atalmysh qurylǵyǵa degen qajettilik 132 danany quraidy. «Kókshetaý-4p» mobildik apparattary «Tynys» aktsionerlik qoǵamy bazasynda óndiriledi.
Búginde 380 birlik ókpeni jasandy jeldetý apparaty óndirildi, onyń ishinde 164 birlik jóneltýge daiyn, 216 birlik zaýyttyq synaqtardan ótýde. Qalǵan 200 birlik osy jyldyń shilde aiynyń sońyna deiin tapsyrylady. Statsionarlyq apparattardy qosymsha shyǵarý maqsatynda túrik jáne qytai seriktesterimen óndiristi igerý júrgizilýde.
«BARK Tehnolodji» jaýapkershiligi shekteýli seriktestigi qazaqstandyq joǵary tehnologiialyq jobasy ázirlenýde (Nur-Sultan q.)
«Osy jyldyń shilde aiynyń sońyna deiin kompaniia óz ázirlemelerin aiaqtaidy jáne aqysyz negizde QR Densaýlyq saqtaý ministrligine testileý úshin 20 apparat beredi. Qalǵan 112 birlik osy jyldyń tamyz-qyrkúiek ailarynda shyǵarylady», — dedi B. Atamqulov.
Aita ketý kerek, «Qazmedtpribor» jaýapkershiligi shekteýli seriktestigi, «OralMedRegion» jaýapkershiligi shekteýli seriktestigi ókpeni jasandy jeldetý apparattaryn shyǵarýǵa barlyq tehnikalyq bazasy bar, olar qajetti ónim shyǵarýǵa daiyn.
Farmatsevtikalyq saladaǵy memlekettik qoldaý sharalarynyń biri — tegin meditsinalyq kómektiń kepildik berilgen kólemi sheńberinde uzaq merzimdi sharttar jasasý.
«Sondai-aq otandyq taýar óndirýshilerdi qoldaý maqsatynda jergilikti atqarýshy organdardy otandyq kásiporyndardyń ónimderine basa nazar aýdarýdy suraimyz. Bul bizdiń kásiporyndarǵa óndiristik qýattardy arttyrýǵa jáne jańa óndiristerdi iske qosýǵa serpin beredi», — dep túiindedi ministr.
