قازاقستاندا كوروناۆيرۋستى جۇقتىرۋ ٶسٸمٸ توقتادى. بۇل تۋرالى دەنساۋلىق ساقتاۋ مينيسترلٸگٸنٸڭ رەسمي ٶكٸلٸ باعدات قوجاحمەتوۆ مەلٸم ەتتٸ, دەپ حابارلايدى "ۇلت اقپارات".
«قازاقستاندا كوروناۆيرۋستى جۇقتىرۋ ٶسٸمٸ توقتادى. ەل بويىنشا جاعداي ايتارلىقتاي جاقساردى. اتقارۋشى بيلٸك احۋالدى قاتاڭ باقىلاۋدا ۇستاپ وتىر. مەديتسينالىق قاۋىمداستىقتىڭ سانيتارلىق-ەپيدەميولوگييالىق قىزمەتٸ ٶزٸنە جٷكتەلگەن مٸندەتٸن تولىق كٶلەمدە ورىنداپ جاتىر. وسىلايشا, ەلٸمٸز ەڭ كٷردەلٸ كەزەڭدٸ ارتتا قالدىردى دەسەك بولادى», - دەدٸ رەسمي ٶكٸل ورتالىق كوممۋنيكاتسييالار قىزمەتٸندە.
وسى ورايدا ول ەل حالقىن سانيتارلىق ەرەجەلەردٸ قاتاڭ ورىنداۋعا شاقىردى.
«بٸراق جەتكەن جەتٸستٸككە قۋانىپ, بوساڭسۋعا بولمايدى. ەندٸگٸ مٸندەتٸمٸز – ٸندەتتٸ جۇقتىرۋ مەن ٶلٸم-جٸتٸمدٸ توقتاتۋ. وسى رەتتە بارشا قازاقستاندىقتارعا سانيتارلىق ەرەجەلەردٸ ورىنداۋعا شاقىرامىن», - دەدٸ ب. قوجاحمەتوۆ.
