Qazaqstanda koronavirýsty juqtyrý ósimi toqtady. Bul týraly Densaýlyq saqtaý ministrliginiń resmi ókili Baǵdat Qojahmetov málim etti, dep habarlaidy "Ult aqparat".
«Qazaqstanda koronavirýsty juqtyrý ósimi toqtady. El boiynsha jaǵdai aitarlyqtai jaqsardy. Atqarýshy bilik ahýaldy qatań baqylaýda ustap otyr. Meditsinalyq qaýymdastyqtyń sanitarlyq-epidemiologiialyq qyzmeti ózine júktelgen mindetin tolyq kólemde oryndap jatyr. Osylaisha, elimiz eń kúrdeli kezeńdi artta qaldyrdy desek bolady», - dedi resmi ókil Ortalyq kommýnikatsiialar qyzmetinde.
Osy oraida ol el halqyn sanitarlyq erejelerdi qatań oryndaýǵa shaqyrdy.
«Biraq jetken jetistikke qýanyp, bosańsýǵa bolmaidy. Endigi mindetimiz – indetti juqtyrý men ólim-jitimdi toqtatý. Osy rette barsha qazaqstandyqtarǵa sanitarlyq erejelerdi oryndaýǵa shaqyramyn», - dedi B. Qojahmetov.
