فوتو: قر مەدەنيەت جەنە اقپارات مينيسترلٸگٸ
استانادا مەدەنيەت جەنە اقپارات مينيسترٸ ايدا بالاەۆا ۇلتتىق كينونى قولداۋ ورتالىعى جانىنداعى ساراپتاما كەڭەسٸنٸڭ جاڭا قۇرامىمەن كەزدەسۋ ٶتكٸزٸپ, كينوجوبالاردى كونكۋرستىق ٸرٸكتەۋ ەرەجەلەرٸن تالقىلادى, دەپ حابارلايدى Ult.kz.
بيىل ۇلتتىق كينونى قولداۋ ورتالىعى جانىنداعى ساراپتاما كەڭەسٸنٸڭ قۇرامى جاڭارتىلدى. وعان كينو, ەدەبيەت, مەدەنيەت سالاسىنداعى ماماندار, سونداي-اق مەجٸلٸس دەپۋتاتتارى كٸردٸ.
مينيستر ۇلتتىق كينونى قولداۋ ورتالىعىنىڭ قىزمەتٸ تۋرالى ەگجەي-تەگجەيلٸ ايتىپ بەردٸ. ول ساراپتاما كەڭەسٸ مٷشەلەرٸنە ٷلكەن جاۋاپكەرشٸلٸك جٷكتەلەتٸنٸن اتاپ ٶتتٸ. ٶتكەن جىلى قابىلدانعان ٸرٸكتەۋ كونكۋرسىنىڭ ەرەجەلەرٸندەگٸ ٶزگەرٸستەر ٸرٸكتەۋدٸڭ اشىق ەرٸ جەڭٸل ٶتۋٸنە باعىتتالعانىن دا اتاپ ٶتكەن جٶن.
جاڭا ەرەجەلەرگە سەيكەس, ٸرٸكتەۋ ەكٸ كەزەڭگە بٶلٸنگەن. بۇل ٶزگەرٸس قازاقستانداعى كينو ٶنەرٸنٸڭ دامۋىنا جاڭا سەرپٸن بەرەدٸ.
جاڭارتىلعان ەرەجەلەردٸڭ نەگٸزگٸ ەرەكشەلٸكتەرٸ:
- - ٸرٸكتەۋ ەكٸ كەزەڭدە ٶتەدٸ: العاشقى كەزەڭدە ستسەنارييلەر مەن ستسەناريي جوسپارلارى باعالانادى, ال ەكٸنشٸ كەزەڭدە تولىق قۇجاتتار پاكەتٸ قاراستىرىلادى.
- - قۇجاتتارداعى قاتەلەردٸ تٷزەتۋ ٷشٸن ٷمٸتكەرلەرگە ٷش كٷن ۋاقىت بەرٸلەدٸ.
- - قورىتىندى كەزەڭدە پيتچينگ ۇيىمداستىرىلادى, وندا جوبالاردىڭ يدەيالارى كەڭٸنەن تانىستىرىلادى.
«كەڭەس مٷشەلەرٸ جاۋاپكەرشٸلٸكتٸ تەرەڭ سەزٸنٸپ, كونكۋرستىڭ بارلىق كەزەڭدەرٸندە ەدٸل شەشٸم شىعارىپ, اشىق كونكۋرس ٶتكٸزۋگە تيٸس. كينوجوبالاردىڭ بەلگٸلەنگەن تالاپتارعا سەيكەس بولۋىنا باسا نازار اۋدارىلادى. بۇل شارالار وتاندىق كينو سالاسىن دامىتۋعا, سونداي-اق ۇلتتىق مٷددە مەن يدەولوگيياعا ساي كەلەتٸن جوبالار سانىن ارتتىرۋعا كٶمەكتەسەدٸ», - دەپ اتاپ ٶتتٸ ايدا بالاەۆا.
2025 جىلى «ۇلتتىق قۇندىلىقتار», «وتباسى», «قورشاعان ورتانى قورعاۋ», «زاڭ مەن تەرتٸپ», «تاريحي ەلەۋلٸ وقيعالار», «دوس قادٸرٸ», «ەيەل قۇقىعى, بالا قاۋٸپسٸزدٸگٸ»,«قازٸرگٸ زاماننىڭ قاھارماندارى», «ەل بٸرلٸگٸ» جەنە ت.ب. باسىم تاقىرىپتاردا كينوجوبالار دايىنداۋعا بولادى.
2025 جىلى مينيسترلٸكتٸڭ جەنە ۇلتتىق كينونى قولداۋ ورتالىعىنىڭ قولداۋىمەن 10 جاڭا فيلم جارىق كٶرەدٸ. بيىل «كاپيتان بايتاسوۆ», لۋدومانييا تاقىرىبىن قوزعايتىن «يگرومانكا» اتتى دراما, فۋتبول تۋرالى «90+1» سپورتتىق دراماسى, سونداي-اق «كٷزگٸ سامال», «فەيكوۆىي ارمان», «Qaitadan», «تەزەك», «قارا قىز», «التىن ادام», «حوش يٸستٸ جٷرەك» جەنە «اۆەل» فيلمدەرٸ جارىققا شىعادى.
