Foto: QR Mádeniet jáne aqparat ministrligi
Astanada Mádeniet jáne aqparat ministri Aida Balaeva Ulttyq kinony qoldaý ortalyǵy janyndaǵy saraptama keńesiniń jańa quramymen kezdesý ótkizip, kinojobalardy konkýrstyq irikteý erejelerin talqylady, dep habarlaidy Ult.kz.
Biyl Ulttyq kinony qoldaý ortalyǵy janyndaǵy saraptama keńesiniń quramy jańartyldy. Oǵan kino, ádebiet, mádeniet salasyndaǵy mamandar, sondai-aq Májilis depýtattary kirdi.
Ministr Ulttyq kinony qoldaý ortalyǵynyń qyzmeti týraly egjei-tegjeili aityp berdi. Ol saraptama keńesi múshelerine úlken jaýapkershilik júkteletinin atap ótti. Ótken jyly qabyldanǵan irikteý konkýrsynyń erejelerindegi ózgerister irikteýdiń ashyq ári jeńil ótýine baǵyttalǵanyn da atap ótken jón.
Jańa erejelerge sáikes, irikteý eki kezeńge bólingen. Bul ózgeris Qazaqstandaǵy kino óneriniń damýyna jańa serpin beredi.
Jańartylǵan erejelerdiń negizgi erekshelikteri:
- - Irikteý eki kezeńde ótedi: alǵashqy kezeńde stsenariiler men stsenarii josparlary baǵalanady, al ekinshi kezeńde tolyq qujattar paketi qarastyrylady.
- - Qujattardaǵy qatelerdi túzetý úshin úmitkerlerge úsh kún ýaqyt beriledi.
- - Qorytyndy kezeńde pitching uiymdastyrylady, onda jobalardyń ideialary keńinen tanystyrylady.
«Keńes músheleri jaýapkershilikti tereń sezinip, konkýrstyń barlyq kezeńderinde ádil sheshim shyǵaryp, ashyq konkýrs ótkizýge tiis. Kinojobalardyń belgilengen talaptarǵa sáikes bolýyna basa nazar aýdarylady. Bul sharalar otandyq kino salasyn damytýǵa, sondai-aq ulttyq múdde men ideologiiaǵa sai keletin jobalar sanyn arttyrýǵa kómektesedi», - dep atap ótti Aida Balaeva.
2025 jyly «ulttyq qundylyqtar», «otbasy», «qorshaǵan ortany qorǵaý», «zań men tártip», «tarihi eleýli oqiǵalar», «dos qadiri», «áiel quqyǵy, bala qaýipsizdigi»,«qazirgi zamannyń qaharmandary», «el birligi» jáne t.b. basym taqyryptarda kinojobalar daiyndaýǵa bolady.
2025 jyly Ministrliktiń jáne Ulttyq kinony qoldaý ortalyǵynyń qoldaýymen 10 jańa film jaryq kóredi. Biyl «Kapitan Baitasov», lýdomaniia taqyrybyn qozǵaityn «Igromanka» atty drama, fýtbol týraly «90+1» sporttyq dramasy, sondai-aq «Kúzgi samal», «Feikovyi arman», «Qaitadan», «Tezek», «Qara qyz», «Altyn adam», «Hosh iisti júrek» jáne «Avel» filmderi jaryqqa shyǵady.
