سالىق كودەكسٸنە ەنگٸزٸلەتٸن ٶزگەرٸستەر لەگٸ تالقىلعان سەنات وتىرىسىندا دەپۋتات مۇرات باقتييارۇلى بايلىق سالىعىن ەنگٸزۋدٸ ۇسىندى, دەپ حابارلايدى "ۇلت اقپارات".
«مەملەكەت باسشىسى 2019 جىلعى جولداۋىندا «جالپى ٸشكٸ ٶنٸم مەن حالىق تابىسىنىڭ ارتۋىنا قاراماستان قوعامدا مٷلٸكتٸك جٸكتەلۋ ٷدەرٸسٸ ساقتالىپ وتىر, تٸپتٸ كٷشەيٸپ بارادى. بۇل – الاڭداتارلىق فاكتور. سوندىقتان وعان ەرەكشە نازار اۋدارۋ كەرەك» دەگەن بولاتىن. بۇل مەسەلەنٸ شەشۋدٸڭ كٶپتەگەن جولى بار. سونىڭ بٸر جولى رەتٸندە بايلىققا سالىق سالۋدى ەنگٸزۋدٸ قاراۋعا بولادى. مۇنداي حالىقارالىق تەجٸريبە كٶپتەگەن ەلدە بار. بيۋدجەتكە تٷسەتٸن تٷسٸمدەردٸ سەن-سالتاناتقا ارنايى سالىق ەنگٸزۋ بٷگٸنگٸ كٷنٸ ٶتە ٶزەكتٸ مەسەلە بولىپ سانالادى. اۋقاتتى قازاقستاندىقتار حالىق الدىندا ەلەۋمەتتٸك جاۋاپكەرشٸلٸكتە بولۋعا جەنە ٶز بايلىعىن ەلدٸڭ دامۋىنا باعىتتاۋى تيٸس. تەۋەلسٸزدٸكتٸڭ 30 جىلدىعىنىڭ ٸشٸندە حالىقتىڭ باي مەن كەدەي توپتارىنىڭ اراسىنداعى الشاقتىق ايتارلىقتاي ٶسكەنٸن كٶرٸپ وتىرمىز. بۇل جەردە مەسەلە ياحتالار, ۇشاقتار, ەليتالى جىلجىمايتىن مٷلٸكتەر, قىمبات اۆتوٶكلٸكتەر, زەرگەرلٸك بۇيىمدار سەكٸلدٸ سەن-سالتاناتتى زاتتارعا سالىق سالۋعا قاتىستى بولىپ وتىر. بايلىق سالىعىن ەنگٸزۋ – سالىق سالۋدىڭ ەدٸلەتتٸ جٷيەسٸن قالىپتاستىرادى دەپ ەسەپتەيمٸن», - دەدٸ مۇرات باقتييارۇلى سالىق كودەكسٸنە ەنگٸزٸلەتٸن ٶزگەرٸستەر لەگٸ تالقىلانعان پارلامەنت سەناتىنىڭ وتىرىسىندا.
بۇل مەسەلەگە بايلانىستى دەپۋتات ۇلتتىق ەكونوميكا مينيسترٸ رۋسلان دەلەنوۆتىڭ ۇستانىمىن سۇرادى.
«ەرينە مۇنداي جوسپارىمىز بار. قازٸرگٸ تاڭدا جاڭا سالىق كودەكسٸندە ەدٸلەتتٸ جەنە ايقىن پرينتسيپتەر كٶزدەلگەن. سالىق سالۋ - تابىستاردى تەڭەستٸرۋدٸڭ تيٸمدٸ قۇرالدارىنىڭ بٸرٸ. وندا ەكٸ باعىت بار. بۇل – مٷلٸكتٸڭ باعاسىنا قاراي جوعارى سالىق سالۋ جەنە تاپقان تابىسقا سالىق سالۋ. تابىسقا سالىق سالۋ نەمەسە جەكە تابىس سالىعى بويىنشا ەلدە 10 پايىزدىق بٸرىڭعاي مٶلشەرلەمە قولدانىلادى. بٸراق تٶمەندەتٸلگەن مٶلشەرلەمە دە بار. 70 مىڭ تەڭگەگە دەيٸنگٸ تابىستار قوسىمشا شەگەرٸمدەر قولدانىلادى. ياعني بۇل رەتتە تابىستارعا تٶمەن سالىق سالىنادى. وسىلايشا جەكە تابىس سالىعى بويىنشا ديففەرەنتسييالانعان ەدٸس قولدانىلادى. سالىق كودەكسٸندە كٶلٸك سالىعى, مٷلٸك سالىعى بويىنشا ٷلكەن ايىرماشىلىق بار. مٷلٸكتٸڭ قۇنى جوعارى بولسا وعان سالىناتىن سالىقتىڭ دا مٶلشەرٸ جوعارى بولادى. كٶلٸك سالىعى بويىنشا ايىرماشىلىق 8-600 مىڭ تەڭگە ارالىعىندا تۇر. مەنٸڭ ويىمشا بۇل سالىق سالۋدىڭ بۇل ەدٸسٸ تيٸمدٸ قۇرال. سالىق سالۋ ارقىلى تەڭسٸزدٸكتٸ تٶمەندەتۋگە بولادى», - دەدٸ مينيستر.
اتالمىش مەسەلە بويىنشا سەنات تٶراعاسى مەۋلەن ەشٸمباەۆ رۋسلان دەلەنوۆكە بۇل مەسەلەنٸ جٸتٸ نازارعا الۋدى تاپسىردى.
