قازاقستان مەن رەسەي ورتا دەڭگەيدەگٸ زىمىرانداردى بٸرلەسٸپ دايىنداۋدى قولعا الماق, دەپ حابارلايدى تاسس رف ۆيتسە-پرەمەرٸ دميتريي روگوزينگە سٸلتەمە جاساپ.
روگوزيننٸڭ حابارلاۋىنشا, عارىش سالاسىن دامىتۋ مەسەلەسٸنە ارنالعان مەجٸلٸس قورىتىندىسى بويىنشا, ارنايى جوسپار ماقۇلدانىپ, بايقوڭىردى ودان ەرٸ دە رەسەي مەن قازاقستاننىڭ مٷددەسٸ ٷشٸن پايدالانۋ جٶنٸندەگٸ بۇل جوسپار جاقىن كٷندەردە قازاقستاندا تالقىلانباق.
«بەيتەرەك» جوباسىنىڭ اياسىندا قازاقستاننىڭ قارجىلاي قاتىسۋىمەن ۇشىرۋ قۇرىلعىسىن قايتا جٶندەۋدەن ٶتكٸزۋ جٶنٸندە جوبا دايىنداۋ قاجەت بولىپ وتىر. بٸز قازٸر نارىقتاعى ٶز ٷلەسٸمٸزدٸ جوعالتىپ الماۋ ٷشٸن كوممەرتسييالىق قىزمەت نارىعىندا اقش-تىڭ سوڭعى ٷلگٸدەگٸ قۇرالدارىمەن بەسەكەگە تٷسە الاتىن ورتا دەڭگەيدەگٸ زىمىراندى دايىنداۋدى جەدەلدەتٸپ قولعا الۋدى جوسپارلاپ وتىرمىز», - دەپ تٷسٸندٸردٸ ول.
رف ٷكٸمەتٸ تٶراعاسى ورىنباسارىنىڭ سٶزٸنشە, ول 17 توننا سالماق كٶتەرەتٸن بولادى. بۇعان قوسا, «بايقوڭىردا» دايىندالعان «زەنيت» زىمىرانى ٷشٸن ۇشۋ قۇرىلعىسىن پايدالانۋ جوسپارلانىپ وتىر.
