Qazaqstan men Resei orta deńgeidegi zymyrandardy birlesip daiyndaýdy qolǵa almaq, dep habarlaidy TASS RF vitse-premeri Dmitrii Rogozinge silteme jasap.
Rogozinniń habarlaýynsha, ǵarysh salasyn damytý máselesine arnalǵan májilis qorytyndysy boiynsha, arnaiy jospar maquldanyp, Baiqońyrdy odan ári de Resei men Qazaqstannyń múddesi úshin paidalaný jónindegi bul jospar jaqyn kúnderde Qazaqstanda talqylanbaq.
«Báiterek» jobasynyń aiasynda Qazaqstannyń qarjylai qatysýymen ushyrý qurylǵysyn qaita jóndeýden ótkizý jóninde joba daiyndaý qajet bolyp otyr. Biz qazir naryqtaǵy óz úlesimizdi joǵaltyp almaý úshin kommertsiialyq qyzmet naryǵynda AQSh-tyń sońǵy úlgidegi quraldarymen básekege túse alatyn orta deńgeidegi zymyrandy daiyndaýdy jedeldetip qolǵa alýdy josparlap otyrmyz», - dep túsindirdi ol.
RF úkimeti tóraǵasy orynbasarynyń sózinshe, ol 17 tonna salmaq kóteretin bolady. Buǵan qosa, «Baiqońyrda» daiyndalǵan «Zenit» zymyrany úshin ushý qurylǵysyn paidalaný josparlanyp otyr.
