بٷگٸن قازاقستاننىڭ شەت مەملەكەتتەردەگٸ قۇرمەتتٸ كونسۋلدارىنىڭ سەزٸ بارىسىندا بٸرقاتار ديپلوماتتار ماراپاتتالدى. ولاردىڭ ٸشٸندە قازاقستاننىڭ سيريياداعى قۇرمەتتٸ كونسۋلى سايد ناxاس مىرزاعا ەرەكشە العىس ايتىلدى, دەپ xابارلايدى قازاقپارات تٸلشٸسٸ.
«بٸز سايد ناxاس مىرزاعا ەرەكشە العىسىمىزدى ايتايىن دەپ ەدٸك. سەبەبٸ ول كٸسٸ سيريياداعى قارۋلى قاقتىعىستار ايماعىنان قازاقستان ازاماتتارىن شىعارۋعا ٷلكەن كٶمەك كٶرسەتتٸ. شىنى كەرەك, ول جۇمىس وڭايعا سوقپادى. قازاقستاندىقتاردى ەلگە قايتارۋ شاراسى كەدٸمگٸدەي ەسكەري وپەراتسيياعا اينالدى. ٶيتكەنٸ سول كەزدە قارۋلى قاقتىعىستار قاتتى جٷرٸپ جاتقان. قۇرمەتتٸ كونسۋلىمىز قولدا بارىن جاساپ, قارۋلى كٷزەتكە دەيٸن تاۋىپ بەردٸ. ولار ارنايى مارشرۋت بويىنشا سيرييانىڭ قاۋٸپتٸ ايماقتارىمەن جٷردٸ. جول-جٶنەكەي قارۋلى وپپوزيتسييانىڭ بٸرنەشە توپتارى ارقىلى ٶتۋگە تۋرا كەلدٸ. سٶيتٸپ, بەيرۋت پەن ليۆان ارقىلى قازاقستانعا امان-ەسەن جەتتٸ. سول ٷشٸن سايد ناxاس مىرزاعا شىن العىسىمىزدى ايتامىز», - دەيدٸ قر سىرتقى ٸستەر مينيسترلٸگٸ كونسۋلدىق قىزمەت دەپارتامەنتٸنٸڭ باسشىسى ارداق مەديەۆ.
ايتا كەتەيٸك, بٷگٸنگٸ شارا بارىسىندا چەxييا, حورۆاتييا, يتالييا, گەرمانييا, ۋكراينا, مولدوۆا, جاپونييا, سولتٷستٸك افريكا مەن پەكٸستانداعى قازاقستاننىڭ قۇرمەتتٸ كونسۋلدارى ماراپاتتالدى. بارلىعىنا «قر ديپلوماتييالىق قىزمەتٸنە 25 جىل» مەرەيتويلىق مەدالٸ تابىستالدى. بٷگٸندە قازاقستاننىڭ شەت ەلدەردەگٸ كونسۋلدارى ينۆەستيتسييالاردى تارتىپ, سان الۋان مەسەلەلەردٸ شەشۋمەن اينالىسادى.
