جىل سايىن قازاقستاندا جاۋىنگەرلٸك اۆياتسيياداعى ۇشاقتار سانى ارتادى. بۇل تۋرالى قر قورعانىس مينيسترٸ سەكەن جاسۇزاقوۆ مەلٸم ەتتٸ, دەپ حابارلايدى قازاقپارات.
«ەۋە قورعانىسى كٷشٸن جابدىقتاۋعا سوڭعى بۋىندى «4++» جويعىش ۇشاقتارى, سي-295 ەسكەري-كٶلٸكتٸك ۇشاقتارى جەتكٸزٸلدٸ. اعىمداعى جىلى ەكٸ جيىنتىعىن العاننان كەيٸن, بٸز ەسكەري-كٶلٸكتٸك اۆياتسييانى جاساقتاۋدى اياقتايمىز. ەسكەري اۆياتسيياعا تەك شابۋىلداۋ تٸكۇشاقتارى عانا ەمەس, سونىمەن قاتار جاۋىنگەرلٸك مي-35 تٸكۇشاقتارى دا تارتىلا باستادى. تٶرتەۋٸن الدىق جەنە تاعى دا تٶرتەۋٸ جەتكٸزٸلەدٸ. 2020 جىلعا قاراي وسى باعىتتاعى پروتسەستٸ اياقتايتىن بولامىز»,-دەدٸ مينيستر مەجٸلٸستەگٸ ٷكٸمەت ساعاتىندا.
بۇدان بٶلەك, س. جاسۇزاقوۆ ەۋە شابۋىلىنا قارسى قورعانىس كٷشٸنٸڭ جاعدايى تۋرالى باياندادى. رەسەي تاراپىنان بەس س-300 الىندى, ولار جىل سوڭىندا جاۋىنگەرلٸك كەزەكشٸلٸك تەرتٸبٸنە قويىلادى.
سونىمەن قاتار راديوتەحنيكالىق ەسكەر بويىنشا كەيبٸر مەسەلەلەر بار كٶرٸنەدٸ. دەگەنمەن دە وتاندىق راديولوكاتسييالىق ٷش كوورديناتتىق «نۇر» ستانسالارىن قۇرۋ جۇمىستارى ۇيىمداستىرىلدى.
ونىڭ العاشقى جيىنتىعى استانانى قامتۋ ٷشٸن ورناتىلدى, ال ەكٸنشٸسٸ قاراعاندىدا قويىلىپ جاتىر. الداعى ۋاقىتتا بۇل ستانسالار بۇرىننان پايدالانىلىپ كەلە جاتقان اپپاراتتاردى الماستىراتىن بولادى.
سونداي-اق ول ەلوردادا ەۋە شابۋىلىنا قارسى قورعانىسقا ەرەكشە نازار اۋدارىلىپ وتىرعاندىعىن اتاپ ٶتتٸ. وسى رەتتە تٶمەن دە ۇشاتىن اپپاراتتاردى انىقتايتىن جابدىقتار ورناتىلۋدا.
