فوتو: dknews.kz
قازاقستان — يادرولىق وتىن شىعاراتىن از ەلدەردٸڭ بٸرٸ. وتىندى وتاندىق بٸرٸنشٸ اەس سالۋعا قولدانۋ جوسپارلانۋدا. بۇل تۋرالى «قازاقستاندىق اتوم ەلەكتر ستانسالارى» اق ديرەكتورى تيمۋر جانتيكين قازاقستاندا اەس سالۋ مەسەلەلەرٸ بويىنشا بٷگٸن استانادا ٶتٸپ جاتقان جارييا تالقىلاۋ بارىسىندا مەلٸمدەدٸ.
"2018 جىلى اتوم ستانساسىن سالۋدىڭ تەحنيكالىق-ەكونوميكالىق نەگٸزدەمەسٸنٸڭ بٸرٸنشٸ بٶلٸمٸن ەزٸرلەدٸك, وندا ەكٸ ٶڭٸردە ستانسا سالۋ مٷمكٸندٸكتەرٸ قاراستىرىلعان. اتاپ ايتقاندا, بۇل ٶڭٸرلەر - كۋرچاتوۆ, شقو, قازٸر ول اباي وبلىسى, ەكٸنشٸسٸ وڭتٷستٸك قازاقستان وبلىسى, بالقاش ماڭىنداعى ٷلكەن اۋىلى, بۇل الماتى وبلىسى. اەحا ۇسىنىمدارى بويىنشا كەڭ اۋقىمدى زەرتتەۋ جٷرگٸزٸلدٸ, اتاپ ايتقاندا, قاۋٸپسٸزدٸك, قۋاتتى يادرولىق نىسانداردى ورنالاستىرۋ شارتتارى بويىنشا جەنە قازاقستان رەسپۋبليكاسىندا قولدانىلاتىن نورماتيۆتەر نەگٸزٸندە جٷرگٸزٸلدٸ. ەكٸ اۋدان دا جارامدى دەپ تانىلدى", - دەدٸ تيمۋر جانتيكين.
ول سونىمەن قاتار قازاقستاننىڭ ەنەرگييا جٷيەسٸن بولجاۋعا تالداۋ جٷرگٸزٸلگەنٸن دە ايتتى, سونىڭ نەگٸزٸندە وڭتٷستٸك جاقتا ەلەكتر ەنەرگيياسى تاپشىلىعى 2,7 گيگاۆاتتقا دەيٸن جەتەتٸنٸ انىقتالدى.
"وڭتٷستٸك قازاقستان – ەلەكتر ەنەرگيياسىە تۇتىنۋ ورتالىعى. وڭتٷستٸك نەگٸزگٸ گەنەراتسييا بولىپ سانالاتىن سولتٷستٸكتە شىعارىلاتىن ەنەرگييانى تۇتىنادى, ياعني, بۇل يادرولىق كٶزدٸ ورنالاستىرۋدىڭ وڭتايلى ورنى. 2019 جىلى بٸز ماركەتينگتٸك پروتسەدۋرالاردى جٷرگٸزدٸك, جەتەكشٸ ساتۋشىلاردان تەحنيكالىق جەنە كوممەرتسييالىق ۇسىنىستار سۇرادىق, بٸزگە 13 جوبا ۇسىنىسى بەرٸلدٸ. ەنەرگەتيكا مينيسترلٸگٸمەن بٸرگە كريتەرييلەر جٷيەسٸ ەزٸرلەندٸ, ول بويىنشا بٸز قازاقستاندا قۇرىلىس ٷشٸن ەڭ پەرسپەكتيۆالى 4 جوبانى تاڭدادىق. بۇل - قىتاي, كورەيا, رەسەي جەنە فرانتسۋز كومپانييالارى. 2022 جىلى وسى تٶرت جوبالىق ۇسىنىس ٷشٸن دەرەكتەردٸ ٶزەكتەندٸرۋ جٷرگٸزٸلدٸ. فرانتسۋز كونسالتينگتٸك كومپانيياسىمەن بٸرگە باعالاۋ كريتەرييلەرٸنٸڭ جٷيەسٸ جەتٸلدٸرٸلدٸ. قازٸرگٸ ۋاقىتتا وسى جوبالىق ۇسىنىستاردى ەگجەي - تەگجەيلٸ زەردەلەۋ جۇمىستارى جٷرگٸزٸلۋدە", - دەدٸ جانتيكين.
ونىڭ ايتۋىنشا, ماركەتينگ بٶلٸمٸنٸڭ ماتەريالدارى جاپوندىق اتوم ەلەكتر كومپانيياسى جٷرگٸزگەن حالىقارالىق ساراپتامادان ٶتكەن.
"ول بٸزدٸڭ بارلىق نەتيجەلەرٸمٸزدٸ, زەرتتەۋ ەدٸستەمەلەرٸمٸزدٸ راستادى جەنە بٸزدٸڭ ۇسىنىسىمىزبەن كەلٸستٸ. بٸرٸنشٸ ستانتسييا بالقاشتاعى ٷلكەن اۋىلىنىڭ اۋدانىندا سالىنۋى كەرەك. اەس قۇرىلىسى كەزٸندە 8000 جۇمىس ورنى جەنە پايدالانۋعا بەرٸلگەننەن كەيٸن 2000 جۇمىس ورنى قۇرىلادى", - دەپ اتاپ ٶتتٸ جانتيكين.
