قازاقستان قۇراماسى 2018 جىلعى وليمپيادا ويىندارىنا قاتىسادى. بۇل تۋرالى مەدەنيەت جەنە سپورت مينيسترٸ ارىستانبەك مۇحامەديۇلى مەلٸمدەدٸ, - دەپ حابارلايدى "ۇلت اقپارات" Tengrinews.kz پورتالىنا سٸلتەمە جاساپ.
"بٷگٸن ۆلاديمير پۋتين حالىق الدىندا سٶز سٶيلەپ, ىنتا بٸلدٸرگەن رەسەيلٸك سپورتشىلاردىڭ قاتىساتىنىن مەلٸمدەدٸ. مەن ونىمەن كەلٸسەمٸن. ول سپورتشىلار قاي تۋ استىندا شىعاتىنى ماڭىزدى ەمەس, مۇندا ەش ەرەجە بۇزۋشىلىق جوق دەپ انىق ايتتى. ول - سپورتشىلاردى جاقتاۋشى, ال مەن ونىڭ پٸكٸرٸنە قوسىلامىن", - دەيدٸ مۇحامەديۇلى.
مينيستر قازاقستاندىق سپورتشىلاردىڭ 2018 جىلعى وليمپيادادا جەتٸستٸكتەرگە قول جەتكٸزۋ ٷشٸن بەلسەندٸ تٷردە دايىندالىپ جاتقانىن ايتادى.
"بٸز جاقىندا پارلامەنتكە دوپينگكە قارسى قىزمەت بويىنشا زاڭ جوباسىن ۇسىنامىز. دوپينگكە تەرٸس كٶزقاراستامىز, ەرينە. وسى زاڭ قابىلدانعاننان كەيٸن قازاقستاندا بۇل مەسەلە تٶڭٸرەگٸندە ەڭگٸمە بولمايدى دەگەن ويدامىن", - دەپ اتاپ ٶتتٸ ول.
مينيستر رەسەيلٸك دەپۋتاتتىڭ 2018 جىلعى وليمپيادا ويىندارىنا قاتىسپاۋعا شاقىرۋىنا قاتىستى دا ٶز ويىن ايتتى.
"بۇل كٶزقاراس. بەرٸندە بار. ەربٸر تۇلعانىڭ ايتقانىنا قاراي بەرسەك, دۇرىس بولمايدى. مەملەكەت ۇستانىمى بار. قازٸر بٸزدە 17 جولداما بار, بۇل قۋانتادى. بٸزدٸڭ قازٸرگٸ ماقسات - كٶبٸرەك جولداما الىپ, وليمپيادادا جاقسى نەتيجە كٶرسەتۋ", - دەدٸ مۇحامەديۇلى.
ەسكە سالايىق, رەسەي مەملەكەتتٸك دۋماسىنىڭ دەپۋتاتى ۆيتاليي ميلونوۆ بريكس ەلدەرٸنٸڭ - بەلارۋس, قازاقستان مەن قىرعىزستاننىڭ ۇلتتىق وليمپيادا كوميتەتتەرٸنە رەسەي شەتتەتٸلگەن جاعدايدا نيەتتەستٸك رەتٸندە 2018 جىلعى وليمپيادا ويىندارىنا قاتىسپاۋعا شاقىعان بولاتىن.
وڭتٷستٸك كورەيانىڭ پحەنچحان قالاسىندا ٶتەتٸن 2018 جىلعى وليمپيادا ويىندارى اقپاننىڭ 9-ى مەن 25-ٸ ارالىعى ٶتەدٸ.
