تاڭەرتەڭ پوليكلينيكاعا اناليز تاپسىرۋعا باردىم. 28 بەن 50 جاس ارالىعىنداعى كٸلەڭ قازاق. بەرٸ جوعارى بٸلٸمدٸ. ٶيتكەنٸ بۇل كلينيكا پرەزيدەنتتٸڭ ٸس باسقارماسىنا قارايدى. دەمەك بەرٸ مەملەكەتتٸك قىزمەتكەرلەر. "سوڭى كٸم?" - دەپ سۇرادىم, تالون بەرەتٸن اپپارات ٸستەن شىققانى كٶرٸنٸپ تۇر. بەرٸ ودىرايا قارادى. شاماسى مىناۋ نە ايتىپ تۇر دەسە كەرەك. "سوڭى كٸم? اۋىزدارىڭا قۇم قۇيىپ العانبىسىڭدار? سوڭى قايسىنىڭ?" ەندٸ تٷسٸندٸ, بٸلەم.
- يا! - دەدٸ. شامالاعان بولۋى كەرەك, كەزەك سۇراعانىمدى. سونىمەن ۇزىن-سونار كەزەكتە تۇرمىز. سەنەسٸز بە? بٸردە-بٸر قازاق ٶز تٸلٸندە كەزەك سۇرامادى, تٸپتٸ سٶيلەمەدٸ دە. بارلىعى 100% ورىس تٸلٸندە عانا قارىم-قاتىناس جاساپ تۇر. بٸر ادام, بٸر پەندە ٶز انا تٸلٸندە تٸل قاتپادى. بۇل نە?.. كٸنە كٸمدە?.. كٸنە قازاقتىڭ ٶزٸندە. قازاق ٶزٸن سىيلامايدى. قازاقتا نامىس جوق. بٷگٸن جىلاعىم كەلدٸ. ٷيگە ەرەڭ جەتتٸم. كٶڭٸلٸم قالدى.
ەدەبيەتتە دراماتۋرگييا دەگەن جانر بار. سول جانردا ٸشكٸ كونفليكت بولماسا ەلگٸ جانردىڭ باسقا جانردان ەرەكشەلٸگٸ جوق. ٸشكٸ كونفليكت ادام تابيعاتىمەن بٸتە قايناسقان. سانا - كونفليكت, ەموتسييا-كونفليكت, تەن - كونفليكت. مەڭگٸلٸك كٷرەس!!! سانا مەڭگٸلٸك ارپالىستا (كونفليكتٸدە) ەموتسييا دا سول... ايقاي سالعىڭ كەلەدٸ, شىڭعىرعىڭ كەلەدٸ. بٸراق جاسىراسىڭ, ٸشٸڭە جاسىراسىڭ. تەن دە سول... مٷگەدەكتٸگٸن, كەمشٸلٸگٸن جاسىرىپ, سىرتقا سەن كٶرٸنۋگە قۇشتارلىق... بۇل - تەننٸڭ كونفليكتٸسٸ.
قۇداي-اۋ, بٷگٸن ٸشكٸ كونفليكتٸدەن جۇرداي ٶز قوعامىمنىڭ كەيٸپكەرلەرٸن كٶردٸم! ساناسىندا , ەموتسيياسىندا , تەنٸندە ٸشكٸ كونفليكت جوق. ٸشكٸ كونفليكتٸسٸ جوق ادام - ٶلٸك!!! ۇلت رەتٸندە تىم بولماعاندا ٸشٸمٸزدٸ, ٸشكٸ قۇپييامىزدى, ٸشكٸ قارسىلىقتى دا ساقتاي الماپپىز. ٸشٸ, سىرتىن بٸردەي بەرە سالعان جىپ-جىلماعاي, تٷگٸ جوق ادامداردى كٶردٸم. ٶزٸن-ٶزٸ قورلىققا شەككەن, كٶندٸككەن, بولاشاعىنان قورىقپايتىن, الاڭدامايتىن, مەملەكەتٸ تۇرماق, ۇلتى تۇرماق ٶز قارا باسىنىڭ, بالاسىنىڭ قامىن ويلاۋ سانادا اتىمەن جوق, ەر نەرسەگە بٸر الدانا سالاتىن ەۋەسقوي, كٸرەسٸلٸ-شىعاسىلى عانا ەسٸ بار ەيەلدەردٸ, ەركەكتەردٸ كٶردٸم... انىعىندا "اتا-انالاردى" كٶردٸم. شوشىدىم!!!
روزا مۇقانوۆانىڭ فەيسبۋكتاعى جازباسىنان
