ماڭعىستاۋ وبلىسىندا كاسپيي يتبالىقتارىنىڭ قىرىلۋىنا قاتىستى تاعى بٸر دەرەك تٸركەلدٸ. تٷپقاراعان اۋدانىنا قاراستى باۋتين اۋىلى ماڭىنداعى جاعالاۋدان 15 يتبالىقتىڭ ٶلەكسەسٸ تابىلدى. الايدا ولاردىڭ نەدەن ٶلگەنٸن انىقتاۋ ەزٸرگە مٷمكٸن بولماي وتىر, دەپ حابارلايدى ult.kz.
ماڭعىستاۋ وبلىسى بويىنشا بالىق ينسپەكتسيياسى باسقارماسىنىڭ مەلٸمەتٸنشە, وقيعا تۋرالى اقپارات 2026 جىلعى 12 قازاندا تٷسكەن. اقتاۋ قالاسىنىڭ تۇرعىنى تەڭٸز جاعالاۋىنان يتبالىقتاردىڭ ٶلەكسەلەرٸن بايقاعان. كەلەسٸ كٷنٸ اۋماقتى تەكسەرۋ ٷشٸن ارنايى جەدەل توپ قۇرىلعان.
تەكسەرۋ جۇمىستارىنا بالىق ينسپەكتسيياسى باسقارماسىنىڭ, جانۋارلار دٷنيەسٸن قورعاۋ مەكەمەسٸنٸڭ, «كاسپيي يتبالىعى» مەملەكەتتٸك تابيعي رەزەرۆاتىنىڭ, ەكولوگييا دەپارتامەنتٸنٸڭ جەنە ۆەتەرينارييالىق قىزمەتتٸڭ ٶكٸلدەرٸ قاتىسقان.
ماماندار جاعالاۋدان 15 يتبالىقتىڭ ٶلەكسەسٸن تاپقان. بٸراق ولاردىڭ قاتتى شٸرٸپ كەتكەنٸ سەبەپتٸ زەرتحانالىق زەرتتەۋ جٷرگٸزۋگە قاجەتتٸ تٸن ٷلگٸلەرٸن الۋ مٷمكٸن بولماعان. سالدارىنان جانۋارلاردىڭ ناقتى نەدەن قىرىلعانى ەزٸرگە بەلگٸسٸز كٷيٸندە قالىپ وتىر.
قۇزىرلى ورگاننىڭ الدىن الا بولجامى بويىنشا, يتبالىقتار بٸراز ۋاقىت بۇرىن تەڭٸزدە قىرىلىپ, ٶلەكسەلەرٸ سۋدا قالقىپ جٷرگەن بولۋى مٷمكٸن. كەيٸن وڭتٷستٸك-باتىستان سوققان قاتتى جەل ولاردى جاعاعا شىعارعان.
قازٸر ٶلەكسەلەردٸ ارنايى پوليگونعا جەتكٸزٸپ, جويۋ جۇمىستارى ۇيىمداستىرىلىپ جاتىر. دەگەنمەن نەگٸزگٸ سۇراق اشىق كٷيٸندە قالۋدا: كاسپيي يتبالىقتارىنىڭ ٶلٸمٸنە نە سەبەپ بولدى?
ايتا كەتەيٸك, بۇعان دەيٸن دە ماڭعىستاۋ وبلىسىندا كاسپيي يتبالىقتارىنا قاتىستى تاعى بٸر جاعداي تٸركەلگەن بولاتىن.
