كٶكشەتاۋدا جوعالىپ كەتكەن تٶرت جاسار الاننىڭ دەنەسٸ قۇرىلىس الاڭىنداعى سۋعا تولى شۇڭقىردان تابىلدى. قايعىلى وقيعاعا بايلانىستى قىلمىستىق ٸس قوزعالدى, دەپ حابارلايدى ult.kz كتك تەلەارناسىنا سٸلتەمە جاساپ.
وقيعا بەيسەنبٸ كٷنٸ بولعان. سول كٷنٸ بالانىڭ اناسى جۇمىسقا العاش رەت شىققان. بالانى قارايتىن ادام بولماعاندىقتان, ول ۇلىن ٶزٸمەن بٸرگە الىپ بارعان. شامامەن ساعات 17:00-دە بالا عيماراتتان بايقاتپاي شىعىپ كەتٸپ, جوعالىپ كەتكەن.
اناسى عيماراتتىڭ ٸشٸن تٷگەل قاراپ شىققاننان كەيٸن كٶمەك سۇراعان. ٸزدەۋ جۇمىستارىنا پوليتسييا قىزمەتكەرلەرٸ, قۇتقارۋشىلار مەن ەرٸكتٸلەر جۇمىلدىرىلدى. بەينەباقىلاۋ كامەرالارى بالانىڭ كٶشەگە شىعىپ, كٶرشٸلەس قۇرىلىس الاڭىنا قاراي كەتكەنٸن كٶرسەتكەن.
ەرٸكتٸلەردٸڭ ايتۋىنشا, قۇرىلىس اۋماعىنىڭ كٶپ بٶلٸگٸ بەتونمەن جابىلعان. قاراڭعى تٷسكەن كەزدە سۋعا تولعان سەپتيك شۇڭقىرى جاي عانا شالشىق سيياقتى كٶرٸنگەن. ٸزدەۋ بارىسىندا ەرٸكتٸلەردٸڭ بٸرٸ شۇڭقىرعا قۇلاپ كەتە جازداعان.
اقمولا وبلىستىق پوليتسييا دەپارتامەنتٸنٸڭ مەلٸمەتٸنشە, بالا اشىق تۇرعان قۇدىقتان تابىلعان. الدىن الا دەرەكتەر بويىنشا, زورلىق-زومبىلىق بەلگٸلەرٸ انىقتالماعان. قازٸرگٸ ۋاقىتتا قىلمىستىق ٸس قوزعالىپ, وقيعانىڭ مەن-جايى انىقتالىپ جاتىر.
ەرٸكتٸلەر الاننىڭ وتباسىن جاقسى تانيتىنىن جەنە جالعىزباستى اناعا بۇعان دەيٸن دە ماتەريالدىق كٶمەك كٶرسەتٸلگەنٸن ايتادى. بالانى جەرلەۋگە قاجەتتٸ قاراجات جيناۋ ٷشٸن بەلسەندٸلەر قايىرىمدىلىق شاراسىن ۇيىمداستىرعان. قالا تۇرعىندارى قاجەتتٸ سومانى بٸرنەشە ساعات ٸشٸندە جيناپ بەرگەن.
