Kókshetaýda joǵalyp ketken tórt jasar Alannyń denesi qurylys alańyndaǵy sýǵa toly shuńqyrdan tabyldy. Qaiǵyly oqiǵaǵa bailanysty qylmystyq is qozǵaldy, dep habarlaidy ult.kz KTK telearnasyna silteme jasap.
Oqiǵa beisenbi kúni bolǵan. Sol kúni balanyń anasy jumysqa alǵash ret shyqqan. Balany qaraityn adam bolmaǵandyqtan, ol ulyn ózimen birge alyp barǵan. Shamamen saǵat 17:00-de bala ǵimarattan baiqatpai shyǵyp ketip, joǵalyp ketken.
Anasy ǵimarattyń ishin túgel qarap shyqqannan keiin kómek suraǵan. Izdeý jumystaryna politsiia qyzmetkerleri, qutqarýshylar men eriktiler jumyldyryldy. Beinebaqylaý kameralary balanyń kóshege shyǵyp, kórshiles qurylys alańyna qarai ketkenin kórsetken.
Eriktilerdiń aitýynsha, qurylys aýmaǵynyń kóp bóligi betonmen jabylǵan. Qarańǵy túsken kezde sýǵa tolǵan septik shuńqyry jai ǵana shalshyq siiaqty kóringen. Izdeý barysynda eriktilerdiń biri shuńqyrǵa qulap kete jazdaǵan.
Aqmola oblystyq politsiia departamentiniń málimetinshe, bala ashyq turǵan qudyqtan tabylǵan. Aldyn ala derekter boiynsha, zorlyq-zombylyq belgileri anyqtalmaǵan. Qazirgi ýaqytta qylmystyq is qozǵalyp, oqiǵanyń mán-jaiy anyqtalyp jatyr.
Eriktiler Alannyń otbasyn jaqsy tanitynyn jáne jalǵyzbasty anaǵa buǵan deiin de materialdyq kómek kórsetilgenin aitady. Balany jerleýge qajetti qarajat jinaý úshin belsendiler qaiyrymdylyq sharasyn uiymdastyrǵan. Qala turǵyndary qajetti somany birneshe saǵat ishinde jinap bergen.
