Tańerteń poliklinikaǵa analiz tapsyrýǵa bardym. 28 ben 50 jas aralyǵyndaǵy kileń qazaq. Bári joǵary bilimdi. Óitkeni bul klinika Prezidenttiń is basqarmasyna qaraidy. Demek bári memlekettik qyzmetkerler. "Sońy kim?" - dep suradym, talon beretin apparat isten shyqqany kórinip tur. Bári odyraia qarady. Shamasy mynaý ne aityp tur dese kerek. "Sońy kim? Aýyzdaryńa qum quiyp alǵanbysyńdar? Sońy qaisynyń?" Endi túsindi, bilem.
- Ia! - dedi. Shamalaǵan bolýy kerek, kezek suraǵanymdy. Sonymen uzyn-sonar kezekte turmyz. Senesiz be? Birde-bir qazaq óz tilinde kezek suramady, tipti sóilemedi de. Barlyǵy 100% orys tilinde ǵana qarym-qatynas jasap tur. Bir adam, bir pende óz ana tilinde til qatpady. Bul ne?.. Kiná kimde?.. Kiná qazaqtyń ózinde. Qazaq ózin syilamaidy. Qazaqta namys joq. Búgin jylaǵym keldi. Úige áreń jettim. Kóńilim qaldy.
Ádebiette dramatýrgiia degen janr bar. Sol janrda IShKI KONFLIKT bolmasa álgi janrdyń basqa janrdan EREKShELIGI joq. Ishki konflikt adam tabiǵatymen bite qainasqan. Sana - konflikt, emotsiia-konflikt, tán - konflikt. Máńgilik kúres!!! Sana máńgilik arpalysta (konfliktide) emotsiia da sol... Aiqai salǵyń keledi, shyńǵyrǵyń keledi. Biraq jasyrasyń, ishińe jasyrasyń. Tán de sol... Múgedektigin, kemshiligin jasyryp, syrtqa sán kórinýge qushtarlyq... Bul - tánniń konfliktisi.
Qudai-aý, búgin ishki konfliktiden jurdai óz qoǵamymnyń keiipkerlerin kórdim! Sanasynda , emotsiiasynda , táninde ishki konflikt joq. Ishki konfliktisi joq adam - ÓLIK!!! ULT retinde tym bolmaǵanda ishimizdi, ishki qupiiamyzdy, ishki qarsylyqty da saqtai almappyz. Ishi, syrtyn birdei bere salǵan jyp-jylmaǵai, túgi joq adamdardy KÓRDIM. Ózin-ózi qorlyqqa shekken, kóndikken, bolashaǵynan qoryqpaityn, alańdamaityn, memleketi turmaq, ulty turmaq óz qara basynyń, balasynyń qamyn oilaý sanada atymen joq, ár nársege bir aldana salatyn áýesqoi, kiresili-shyǵasyly ǵana esi bar áielderdi, erkekterdi kórdim... Anyǵynda "ata-analardy" kórdim. Shoshydym!!!
Roza Muqanovanyń feisbýktaǵy jazbasynan
