«استانا» حالىقارالىق قارجى ورتالىعىنىڭ باسقارۋشىسى قايرات كەلٸمبەتوۆ ەزەربايجاننىڭ حالىقارالىق بانكٸنەن قازاقستاندىقتاردىڭ زەينەتاقىلىق قارجىسىن ارتىعىمەن قايتارىپ الۋعا ۋەدە بەردٸ.
بۇل جايىندا ول ساياساتتانۋشى دوسىم سەتپاەۆ پەن «قارجىلىق ەركٸندٸك» قوعامدىق قورى قامقورشىلىق كەڭەسٸنٸڭ باسشىسى بوتا جۇمانوۆاعا بەرگەن سۇحباتىندا مەلٸم ەتتٸ, حابارلايدى قازاقپارات.
«قارجىنىڭ بارلىعى تولىق كٶلەمدە بٸرىڭعاي جيناقتاۋشى زەينەتاقى قورىنا (بجزق) ارنايى نۇسقامەن قايتارىلادى. ەندٸ نەگٸزگٸ بورىشكەر رەتٸندە ەزەربايجان ٷكٸمەتٸ قاراستىرىلادى. بۇل ٶز كەزەگٸندە 2014 جىلدىڭ قازانىندا ەۋرووبليگاتسييالاردى 18 جىلعا 4 پايىز مٶلشەرلەمەمەن ساتىپ العانمەن بٸردەي», - دەدٸ كەلٸمبەتوۆ.
«2014 جىلدىڭ قازانىنداعى 40 ملرد تەڭگەگە توقتالساق, 2015-2016 جىلدارداعى قۇنسىزدانعاننان كەيٸن ونىمەن نە بولدى? تەڭگەمەن دەل سول سوما قالدى. ال دوللار مەنٸندە ونىڭ قۇنى مٷلدەم باسقاشا بولىپ قالىپتاستى. دوللارلار تولىق كٶلەمدە پايىزبەن قايتارىلادى. ەشتەڭە بولماعانداي 250 ملن دوللار سوماسىنداعى بارلىق قارجى پايىزىمەن قايتارىلادى. ەگەر دە تەڭگەمەن 15 جىلعا ەسەپتەسەك, ول قارجى ايتارلىقتاي ارتىق كٶلەمدە كەلەدٸ», - دەدٸ ول.
ونىڭ سٶزٸنە قاراعاندا, 2014 جىلدىڭ قازانىندا ەزەربايجاننىڭ حالىقارالىق بانكٸنە 79 ملرد تەڭگە ەمەس, 45 ملرد تەڭگەدەن استام (دوللارىنا 180 تەڭگە باعامىمەن) قارجى ينۆەستيتسييالاندى.
«سوندىقتان 250 ملن دوللار ساتىپ الىندى. بۇل اقشا 2014 جىلدىڭ قازانىندا جٷرگٸزٸلگەن تەڭگە باعامىن تٷزەتۋ شارالارىنان قورعالدى. سونىمەن قاتار بۇل قارجى قايتارىلا باستادى. بٷگٸندە 50 ملن دوللار تٶلەمدەرمەن قايتارىلدى. قازٸرگٸ باعاممەن 17 ملرد تەڭگەنٸ قۇراپ وتىر. ياعني 45 ملرد سالدىق, 17 ملرد تەڭگەسٸ تٶلەندٸ. ەندٸ قالعانىن ەزەربايجاندىق ٷكٸمەت تيٸستٸ جولمەن قايتاراتىندىعىن ايتتى», - دەدٸ قايرات كەلٸمبەتوۆ.
سونىمەن قاتار ول ٶزٸنٸڭ بجزق ديرەكتورلار كەڭەسٸنٸڭ قۇرامىنا ەنۋٸنٸڭ باستى سەبەبٸ ەزەربايجاندىق بانكتٸڭ وبليگاتسييالارىنا سالىنعان قارجىنى تولىق كٶلەمدە قايتارۋعا قاتىستى ەكەنٸن اتاپ ٶتتٸ.
«بۇل قارجى قايتارىلادى», - دەپ قاداپ ايتتى كەلٸمبەتوۆ.
