ماڭعىستاۋ وبلىسىندا جاس جٸگٸت ٷش تەۋلٸك بويى اشىق تەڭٸزدە بولعان, دەپ حابارلايدى "اقتاۋ-لادا" باسىلىمى.
24 جاستاعى ابىلاي سٷلەيمەنوۆتٸڭ ايتۋىنشا, ماۋسىمنىڭ 18-نەن 19-نا قاراعان تٷنٸ ول دوسىمەن بٸرگە اقتاۋدان جيىرما شاقىرىم جەردە ورنالاسقان اقشٷكٸر كەنتٸنٸڭ اۋماعىندا سۋعا شومىلماق بولعان. اۆتوكٶلٸك دٶڭگەلەگٸنٸڭ قابىمەن جٷزگەن ونى اعىس تەڭٸز ٸشٸنە الىپ كەتكەن.
جاس جٸگٸت ماڭىندا ٶتكەن كەمەلەر مەن تٸكۇشاقتار كٶرگەنٸن, ايعايلاپ داۋىس بەرگەنٸن, بٸراق ونى ەشكٸم ەستٸمگەنٸن ايتادى. سونداي سەتتەردٸڭ بٸرٸندە ول الىستان مۇنارتقان كەمەنٸ بايقاپ, بار كٷشٸمەن سوعان قاراي جٷزٸپ بارادى. كەمە يرانعا تيەسٸلٸ بولىپ شىقتى. تەڭٸزشٸلەر ابىلايدى سۋدان شىعارىپ, تاماقتاندىرىپ, قۇرعاق كيٸم بەرگەن. سوسىن ٶزدەرٸنٸڭ قازاقستاندىق ەرٸپتەستەرٸمەن بايلانىسقا شىققان. بٸر ساعاتقا جەتپەي ونى دەرٸگەرلەر الىپ كەتكەن.
دەرٸگەرلەر ابىلايدىڭ جاعدايىن ورتاشا دەرەجەلٸ دەپ باعالاپ, دەنە تەمپەراتۋراسىنىڭ 32 گرادۋسقا تٶمەندەگەنٸن حابارلايدى. كەلەسٸ اپتادا ونى ٷيٸنە شىعارادى.
