بٷگٸن قازاقستان رەسپۋبليكاسى پرەزيدەنتتٸگٸنە كانديدات سالتانات تۇرسىنبەكوۆا پەتروپاۆلدا سەبيت مۇقانوۆ اتىنداعى وبلىستىق ەمبەباپ عىلىمي كٸتاپحاناسىندا جەرگٸلٸكتٸ حالىقپەن كەزدەسۋ ٶتكٸزدٸ. وندا ول قازاقستانداعى ەيەلدەر كەسٸپكەرلٸگٸن دامىتۋ تۋرالى ايتتى, دەپ حابارلايدى ٷمٸتكەر شتابىنىڭ باسپاسٶز قىزمەتٸ.
ٷمٸتكەر مەملەكەتتٸك ورگانداردىڭ دەرەكتەرٸ مەن زەرتتەۋلەرٸنە سٸلتەمە جاساي وتىرىپ, ستاتيستيكانى جارييالادى.
ەيەلدەر كەسٸپكەرلٸگٸ شوب سەكتورىنداعى جۇمىس ورىندارىنىڭ 31,4%-ىن قامتاماسىز ەتەدٸ. 2020 جىلعى مەلٸمەتتەرگە سەيكەس, قازاقستاندا ەيەلدەر باسقاراتىن كەسٸپورىنداردىڭ ٷلەسٸ 28,3 پايىزدى قۇرادى. ولاردىڭ كٶپشٸلٸگٸ شاعىن جەنە ورتا بيزنەس ٶكٸلدەرٸ, ولار وسى سەكتورداعى جۇمىس ورىندارىنىڭ 31,4%-ىن جەنە ەلدٸڭ جالپى ٸشكٸ ٶنٸمٸنٸڭ شامامەن 14,6%-ىن قامتاماسىز ەتەدٸ.
قۇقىق قورعاۋشى شاعىن بيزنەس پەن جەكە كەسٸپكەرلەردٸ سالىقتان تولىعىمەن بوساتۋدى ۇسىناتىنىن ايتتى.
«كەسٸپكەرلەردٸڭ اياققا تۇرۋىنا مٷمكٸندٸك بەرۋٸمٸز كەرەك. ولار ورتا دەڭگەيگە ٶتكەندە, جەڭٸلدەتٸلگەن سالىق سالۋ قازٸردٸڭ ٶزٸندە بار. قىزمەت سالاسىنا بايلانىستى جەڭٸلدٸكتٸ رەجيم. ال ٸرٸ بيزنەسكە, ەسٸرەسە ويىن بيزنەسٸنە, كەرٸسٸنشە سالىقتى ارتتىرۋ كەرەك», - دەپ اتاپ ٶتتٸ ول.
سونداي-اق جينالعاندار كانديداتتان سايلاۋالدى باعدارلاماسى تۋرالى سۇرادى. اتاپ ايتقاندا, ەيەلدەردٸڭ زەينەت جاسىن تٶمەندەتۋ, سوت رەفورماسى جەنە ەكونوميكاداعى ٶزگەرٸستەر تۋرالى سٶز بولدى.
