Búgin Qazaqstan Respýblikasy Prezidenttigine kandidat Saltanat Tursynbekova Petropavlda Sábit Muqanov atyndaǵy oblystyq ámbebap ǵylymi kitaphanasynda jergilikti halyqpen kezdesý ótkizdi. Onda ol Qazaqstandaǵy áielder kásipkerligin damytý týraly aitty, dep habarlaidy úmitker shtabynyń baspasóz qyzmeti.
Úmitker memlekettik organdardyń derekteri men zertteýlerine silteme jasai otyryp, statistikany jariialady.
Áielder kásipkerligi ShOB sektoryndaǵy jumys oryndarynyń 31,4%-yn qamtamasyz etedi. 2020 jylǵy málimetterge sáikes, Qazaqstanda áielder basqaratyn kásiporyndardyń úlesi 28,3 paiyzdy qurady. Olardyń kópshiligi shaǵyn jáne orta biznes ókilderi, olar osy sektordaǵy jumys oryndarynyń 31,4%-yn jáne eldiń jalpy ishki óniminiń shamamen 14,6%-yn qamtamasyz etedi.
Quqyq qorǵaýshy shaǵyn biznes pen jeke kásipkerlerdi salyqtan tolyǵymen bosatýdy usynatynyn aitty.
«Kásipkerlerdiń aiaqqa turýyna múmkindik berýimiz kerek. Olar orta deńgeige ótkende, jeńildetilgen salyq salý qazirdiń ózinde bar. Qyzmet salasyna bailanysty jeńildikti rejim. Al iri bizneske, ásirese oiyn biznesine, kerisinshe salyqty arttyrý kerek», - dep atap ótti ol.
Sondai-aq jinalǵandar kandidattan sailaýaldy baǵdarlamasy týraly surady. Atap aitqanda, áielderdiń zeinet jasyn tómendetý, sot reformasy jáne ekonomikadaǵy ózgerister týraly sóz boldy.
