Ánshi Aimira Aman áleýmettik jelidegi paraqshasyna video júktep, onyń astyna taǵdyr men ómir synaqtary týraly óleń joldaryn jazdy, dep habarlaidy ult.kz.

Akter Oljas Abaidyń burynǵy jubaiy jariialaǵan shýmaqtarda qaiǵy men baqyt, adamnyń ómirden izdegeni jáne ýaqyttyń berer jaýaby sóz bolady.

“Jalǵannan adam jaqut teredi,

Jaýap qaitarar ýaqyt keledi.

Elde joq qaiǵy bergen Jaratqan,

Eshbir janda joq baqyt beredi.

Dúnie basqa, meniń dúniem basqa. Men basqamyn, basqalar basqa”, – dep jazdy ánshi.

Aimira Aman jazbasynyń qandai jaǵdaiǵa bailanysty jariialanǵanyn ashyp aitpaǵan. Sondai-aq bul sózderdiń naqty bir adamǵa arnalǵanyn da málimdemegen.

Aita keteiik, Dariǵa Badyqovanyń eks-kúieýi málimdeme jasady.

Oljas Abai kim? 
 

Oljas Abai - qazaqstandyq teatr jáne kino akteri, ánshi. Kórermenge “Ochooou” (“Ochoý”) sahnalyq esimimen de tanys. Ol Temirbek Júrgenov atyndaǵy Qazaq ulttyq óner akademiiasynda akter mamandyǵy boiynsha bilim alǵan. Kinoǵa kelmes buryn teatr sahnasynda alty jyl eńbek etkenin NTK arnasyna bergen suhbatynda aitqan.

Onyń kópshilikke tanylýyna “Brat ili brak” komediiasy yqpal etti. Sondai-aq “Sisitai”, “Klasstastar”, “Brat ili brak 2”, “Gýdbai, moi bai 2”, “Bez kryshi” jáne “Bazar joq, Meksika!” filmderinde oinaǵan. Filmografiiasynda “Tar zaman” tarihi týyndysy da bar.

Oljas akterlikpen qatar ánshilikpen de ainalysady. Óner iesiniń aitýynsha, bastapqyda án aitýdy hobbi retinde qabyldaǵan. Keiin tyńdarman suranysyna bailanysty kásibi túrde daiyndala bastaǵan. NTK arnasynyń 2019 jylǵy materialynda onyń repertýarynda 40-qa jýyq án bolǵany jáne birneshe beinebaian túsirgeni jazylǵan. Sol suhbatynda rejisserlikke de qyzyǵatynyn jetkizgen.