پرەزيدەنتتٸككە كانديدات قاراقات ەبدەن سايلاۋشىلارعا ٷندەۋ جولدادى, دەپ حابارلايدى ٷمٸتكەر شتابىنىڭ باسپاسٶز قىزمەتٸ.
«سايلاۋالدى ناسيحات جۇمىستارىمەن ەل ٶڭٸرلەرٸن, ٷلكەندٸ-كٸشٸلٸ قالالار مەن اۋىلداردى ارالاپ شىقتىم. وتباسى مەن ۇلتتىق قۇندىلىقتارعا نەگٸزدەلگەن باعدارلامامدى كەڭ بايتاق ەلٸمٸزدٸڭ ازاماتتارىنا تانىستىردىم. جاستاردان ٸزەت كٶردٸم, قارييالاردان باتا الدىم. وسىلايشا, مەن ٶزٸمنٸڭ باعىتىمنىڭ دۇرىس ەكەنٸنە سەنٸمٸم تەك ارتا تٷستٸ. «وتباسى» ەلدەقاشان حالقىمىزدىڭ باستى قۇندىلىعىنا اينالعان. شاڭىراق, ٷي – بابالارىمىز ٷشٸن دە كيەلٸ ۇعىم بولعان. ماقساتىم - بابالاردان قالعان سول قاستەرلٸ ۇعىمدى زاماناۋي كەيٸپكە كەلتٸرٸپ, مەملەكەتتٸك ساياساتقا اينالدىرۋ», - دەدٸ كانديدات ٶز ٷندەۋٸندە.
بۇدان بٶلەك, كانديداتتىڭ ورتالىق شتابىندا ٷگٸت-ناسيحات جۇمىستارى قورىتىندىلاندى. قاراقات ەبدەننٸڭ سايلاۋالدى كەزدەسۋلەرٸ ەلٸمٸزدٸڭ مەگاپوليستەرٸندە, وبلىس جەنە اۋدان ورتالىقتارىندا, مونوقالالار مەن شالعاي اۋىلداردا ٶتتٸ. ەل ٶڭٸرلەرٸندەگٸ 20 سايلاۋالدى شتابتىڭ, كانديداتتىڭ سەنٸمدٸ ٶكٸلدەرٸ مەن 2000-عا جۋىق ۆولونتەردٸڭ ٷيلەسٸمدٸ جۇمىسى بارلىق ەلەۋمەتتٸك توپتاردى قامتۋعا مٷمكٸندٸك بەردٸ. ولاردىڭ قاتارىندا: كٶپ بالالى انالار, قارييالار, ستۋدەنتتەر, زييالى قاۋىم ٶكٸلدەرٸ, مەديتسينا جەنە ەلەۋمەتتٸك قىزمەتكەرلەر, مۇعالٸمدەر, مەكتەپكە دەيٸنگٸ بٸلٸم بەرۋ ماماندارى, ۇلتتىق كيٸم ٶندٸرۋشٸلەرٸ, كەسٸپكەرلەر, وتباسىلىق بيزنەس پەن تۋريستٸك سالا ٶكٸلدەرٸ, تٸگٸن فابريكاسىنىڭ جۇمىسكەرلەرٸ بار. جالپى العاندا, 1000 استام كەزدەسۋ ٶتكٸزٸلدٸ.
سايلاۋشىلارمەن كەزدەسۋ بارىسىندا قوعامداعى ٶزەكتٸ مەسەلەلەر تالقىلانىپ, كٶپ بالالى وتباسىلاردى, قارت كٸسٸلەردٸ, ەرەكشە قاجەتتٸلٸگٸ بار جانداردى, ٶسكەلەڭ ۇرپاق پەن جاستاردى قولداۋ شارالارى تۋرالى سٶز قوزعالدى. كانديدات وتباسىلىق جەنە ۇلتتىق قۇندىلىقتاردى نىعايتۋعا ەرەكشە كٶڭٸل بٶلدٸ.
ٷگٸت-ناسيحات جۇمىستارى ونلاين فورماتتا دا بەلسەندٸ جٷرگٸزٸلدٸ. كانديداتتىڭ رەسمي سايتىندا جارييالانعان سايلاۋالدى باعدارلامانى 150 مىڭنان استام قولدانۋشى جٷكتەپ الدى. ەلەۋمەتتٸك جەلٸلەردەگٸ رەسمي پاراقشالار مەن سايتى ارقىلى سايلاۋشىلاردىڭ 40 مىڭعا جۋىق ۇسىنىسى مەن ساۋالىن قابىلداندى.
