پرەزيدەنتتٸككە كانديدات قاراقات ەبدەننٸڭ ەل ٶڭٸرلەرٸندەگٸ سايلاۋالدى ساپارلارى جالعاسىپ جاتىر. بٷگٸن ول تاراز قالاسىنىڭ سايلاۋشىلارىمەن كەزدەستٸ, دەپ حابارلايدى "ۇلت اقپارات" ٷمٸتكەردٸڭ باسپاسٶز قىزمەتٸنە سٸلتەمە جاساپ.
ٷيدە پاتروناجدىق قىزمەت كٶرسەتۋدٸڭ ەمبەباپ جەتٸلدٸرٸلگەن مودەلٸ اياسىندا كانديدات پاتروناجدىق مەدبيكەلەرمەن بٸرگە جٷكتٸ ەيەلدەردٸڭ وتباسىلارىنا باردى. «جانۇيا» ەمحاناسىنىڭ باس مەدبيكەسٸ سەۋلە كالەتاەۆا اتاپ ٶتكەندەي, پاتروناجدىق قىزمەتتٸڭ بۇل مودەلٸ انا مەن بالا دەنساۋلىعىن باقىلاۋعا الىپ, زيياندى فاكتورلاردىڭ الدىن الۋدى كٶزدەيدٸ. جٷكتٸ جەنە بوسانعان ەيەلدەردٸڭ ٷيلەرٸن ارالاپ, ەلەۋمەتتٸك قىزمەت كٶرسەتۋ – ٶزٸنٸڭ نەتيجەلٸلٸگٸن دەلەلدەگەن ماڭىزدى باعىت. سونداي-اق كەزدەسۋ بارىسىندا پاتروناجدىق قىزمەتكەرلەر بۇل سالادا كەسٸبي مامانداردىڭ جەتٸسپەۋشٸلٸگٸ جايلى سٶز قوزعادى.
قاراقات ەبدەننٸڭ پٸكٸرٸنشە, ەلەۋمەتتٸك ماڭىزى زور پاتروناجدىق قىزمەتكە قولداۋ كٶرسەتۋ قاجەت.
«انا مەن بالا دەنساۋلىعى – ۇلت بايلىعى. جٷكتٸ ەيەلدەردٸڭ دەنساۋلىعىنا زييان كەلتٸرەتٸن جاعىمسىز فاكتورلاردى بولدىرماۋ كەرەك. ستاتيستيكاعا سٷيەنسەك, جاعدايدىڭ قيىن ەكەندٸگٸن اڭعارۋعا بولادى. قازٸرگٸ كەزدە اۋتيزممەن اۋىراتىن بالالاردىڭ سانى 20 ەسە ٶسكەن, ورفاندى جەنە اۋىر ناۋقاسقا شالدىققان بالالار كٶپ. سوندىقتان باستاپقى كەزەڭدەردەن باستاپ پروفيلاكتيكالىق جۇمىس جٷرگٸزٸپ, كٷردەلٸ مەسەلەلەردٸڭ الدىن الۋ قاجەت. وسى ورايدا پاتروناجدىق قىزمەتتٸڭ ماڭىزى زور, پاتروناجدىق قىزمەتكەرلەردٸڭ ەڭبەگٸ سۇرانىسقا يە. الايدا بٸزدٸڭ قوعام پاتروناجدىق مەدبيكەلەردٸ كٷتۋشٸ نەمەسە قاراۋشى رەتٸندە قابىلدايدى. شىن مەنٸندە, پاتروناجدىق مەدبيكە – جوعارى بٸلٸكتٸ مامان جەنە قوعام مەن مەملەكەتتٸڭ ولارعا دەگەن كٶزقاراسى دا باسقاشا بولعانى ابزال. پاتروناجدىق قىزمەتتٸ قولداۋ ٷشٸن ناقتى شارالار قابىلدانىپ, ونىڭ مەرتەبەسٸن ارتتىرۋ ماقساتىندا حالىق اراسىندا اقپاراتتىق-يدەولوگييالىق جۇمىس جٷرگٸزۋ كەرەك», - دەدٸ كانديدات.
ەسكە سالساق, ەلٸمٸزدە 20 قاراشا كٷنٸ كەزەكتەن تىس پرەزيدەنت سايلاۋى ٶتەدٸ. كانديدات ق.ەبدەن ەل ايماقتارىن ارالاپ, 10 وبلىستا 40-دان استام كەزدەسۋ ٶتكٸزدٸ.
