فوتو: قر مەدەنيەت جەنە اقپارات مينيسترلٸگٸ
قاراعاندى قالاسىنداعى دوستىق ٷيٸندە قازاقستان حالقى اسسامبلەياسىنىڭ 30 جىلدىعىنا ارنالعان «اقساقالدار تاعىلىمى – ادال قوعامنىڭ كەپٸلٸ» اتتى اقساقالدار كەڭەسٸنٸڭ رەسپۋبليكالىق سلەتٸ ٶتتٸ, دەپ حابارلايدى Ult.kz.
ٸس-شارا قوعامدىق كەلٸسٸم مەن جالپىۇلتتىق بٸرلٸكتٸ نىعايتۋعا, ەتنوستاردى ازاماتتىق بٸرەگەيلٸك قاعيداتتارىنا سٷيەنٸپ ۇيىستىرۋ, قحا-نىڭ «ادال ازامات» جوباسىنىڭ ٸسكە اسىرىلۋ بارىسىن جەنە قحا-نىڭ 30 جىلدىعىنا ارنالعان ٸس-شارالاردى تالقىلاۋعا باعىتتالعان.
فوتو: قر مەدەنيەت جەنە اقپارات مينيسترلٸگٸ
جيىنعا مەدەنيەت جەنە اقپارات مينيسترلٸگٸ مەن عىلىمي زييالى قاۋىم ٶكٸلدەرٸ, ٶڭٸرلەردەگٸ اقساقالدار كەڭەسٸنٸڭ تٶراعالارى, قحا انالار كەڭەسٸنٸڭ مٷشەلەرٸ, جاستار جەنە باسقا دا قوعام قايراتكەرلەرٸ قاتىستى.
سونىمەن قاتار اتالعان ٸس-شارا بارىسىندا اقساقالدار كەڭەسٸنٸڭ «ادال ازامات – قوعام بٸرلٸگٸنٸڭ نەگٸزٸ» تاقىرىبىندا كەڭەيتٸلگەن وتىرىسى ٶتتٸ, وندا ەرتٷرلٸ قىزمەت سالالارىنان سپيكەرلەر سٶز سٶيلەدٸ, قحا جۇمىسىن جەتٸلدٸرۋدٸڭ تيٸمدٸ جولدارىن تالقىلادى.
سونداي-اق پروفەسسورلار مەن اكادەميكتەر ۇلت قۇرىلىسى تەتٸگٸنٸڭ قۇرالدارىن, قازاقستاندىق قوعام مەن ۇلت بٸرلٸگٸن نىعايتۋدىڭ تاريحي نەگٸزدەرٸن تٷسٸندٸردٸ.
وتىرىس اياسىندا قاتىسۋشىلار ٶڭٸرلٸك ەتنومەدەني بٸرلەستٸك مٷشەلەرٸمەن كەزدەستٸ.
