Foto: QR Mádeniet jáne aqparat ministrligi
Qaraǵandy qalasyndaǵy Dostyq úiinde Qazaqstan halqy Assambleiasynyń 30 jyldyǵyna arnalǵan «Aqsaqaldar taǵylymy – adal qoǵamnyń kepili» atty Aqsaqaldar keńesiniń respýblikalyq sleti ótti, dep habarlaidy Ult.kz.
Is-shara qoǵamdyq kelisim men jalpyulttyq birlikti nyǵaitýǵa, etnostardy azamattyq biregeilik qaǵidattaryna súienip uiystyrý, QHA-nyń «Adal azamat» jobasynyń iske asyrylý barysyn jáne QHA-nyń 30 jyldyǵyna arnalǵan is-sharalardy talqylaýǵa baǵyttalǵan.
Foto: QR Mádeniet jáne aqparat ministrligi
Jiynǵa Mádeniet jáne aqparat ministrligi men ǵylymi ziialy qaýym ókilderi, óńirlerdegi Aqsaqaldar keńesiniń tóraǵalary, QHA Analar keńesiniń músheleri, jastar jáne basqa da qoǵam qairatkerleri qatysty.
Sonymen qatar atalǵan is-shara barysynda Aqsaqaldar keńesiniń «Adal azamat – qoǵam birliginiń negizi» taqyrybynda keńeitilgen otyrysy ótti, onda ártúrli qyzmet salalarynan spikerler sóz sóiledi, QHA jumysyn jetildirýdiń tiimdi joldaryn talqylady.
Sondai-aq professorlar men akademikter ult qurylysy tetiginiń quraldaryn, qazaqstandyq qoǵam men ult birligin nyǵaitýdyń tarihi negizderin túsindirdi.
Otyrys aiasynda qatysýshylar óńirlik etnomádeni birlestik múshelerimen kezdesti.
