"يسلام مەملەكەتٸ" ۇيىمىنا كٸرەتٸن قازاقستاندىقتار ازاماتتىعىنان ايىرىلادى. بۇل تۋرالى نۇرسۇلتان نازارباەۆ "مير 24" تەلەارناسىنا بەرگەن سۇحباتىندا ايتتى.
"قازاقستانداعى زاڭناماعا سەيكەس, بٸزدٸڭ ەلٸمٸزدٸڭ قۇزىرىنداعى ازامات كەتٸپ, قانداي دا بٸر ەكسترەميستٸك ۇيىمعا كٸرەتٸن بولعان جاعدايدا ول وتانىنا قايتىپ كەلە المايدى: اۆتوماتتى تٷردە ازاماتتىعىنان ايىرىلادى. بۇل - مەجبٷرلٸ شارا", - دەدٸ نازارباەۆ.
سونداي-اق, ول "يسلام مەملەكەتٸ" ۇيىمىندا (قازاقستاندا تىيىم سالىنعان) قازاقستان اتىنان شامامەن 500-600 ادام بار ەكەنٸن, ال بۇرىڭعى كەڭەس وداعى ەلدەرٸنەن 5 مىڭعا جۋىق ادام بار ەكەنٸن ايتتى.
"بٸرٸنشٸ كەزەكتە ادامداردىڭ تەرروريستەردٸڭ ۇيىمىنا كٸرمەۋٸ ٷشٸن وسىنداي شارالاردى قولدانۋ كەرەك. بٸز "يسلام مەملەكەتٸ" ۇيىمىنان قايتىپ كەلگەن ادامدارمەن الدىن الا جۇمىس ٸستەۋگە تىرىستىق, بٸراق بۇل ەش نەتيجەسٸن بەرمەدٸ. سوندىقتان ولارعا ٷيلەرٸنە قايتاتىن جولدى جابۋ تۋرالى شەشٸم قابىلداندى", - دەدٸ مەملەكەت باسشىسى.
