"Islam memleketi" uiymyna kiretin qazaqstandyqtar azamattyǵynan aiyrylady. Bul týraly Nursultan Nazarbaev "MIR 24" telearnasyna bergen suhbatynda aitty.
"Qazaqstandaǵy zańnamaǵa sáikes, bizdiń elimizdiń quzyryndaǵy azamat ketip, qandai da bir ekstremistik uiymǵa kiretin bolǵan jaǵdaida ol otanyna qaityp kele almaidy: avtomatty túrde azamattyǵynan aiyrylady. Bul - májbúrli shara", - dedi Nazarbaev.
Sondai-aq, ol "Islam memleketi" uiymynda (Qazaqstanda tyiym salynǵan) Qazaqstan atynan shamamen 500-600 adam bar ekenin, al buryńǵy Keńes odaǵy elderinen 5 myńǵa jýyq adam bar ekenin aitty.
"Birinshi kezekte adamdardyń terroristerdiń uiymyna kirmeýi úshin osyndai sharalardy qoldaný kerek. Biz "Islam memleketi" uiymynan qaityp kelgen adamdarmen aldyn ala jumys isteýge tyrystyq, biraq bul esh nátijesin bermedi. Sondyqtan olarǵa úilerine qaitatyn joldy jabý týraly sheshim qabyldandy", - dedi Memleket basshysy.
