يران پرەزيدەنتٸ سايلاۋىندا وسى قىزمەتتە وتىرعان 68 جاستاعى حاسان روۋحاني ەكٸنشٸ مەرزٸمگە سايلاندى. جۇما كٷنٸ ٶتكەن سايلاۋ نەتيجەسٸ بويىنشا, داۋىس بەرۋگە قاتىسقان سايلاۋشىلاردىڭ 58 پايىزعا جۋىعى – 23 ميلليوننان استامى روۋحانيگە قولداۋ تانىتقانى تۋرالى بٷگٸن يران ٸشكٸ ٸستەر مينيسترلٸگٸ ٶكٸلٸ ۇلتتىق تەلەارنادان حابارلاعان.
بۇل جولعى پرەزيدەنت سايلاۋىندا روۋحانيگە نەگٸزگٸ بەسەكەلەس بولعان بۇرىنعى پروكۋرور, قاتاڭ ساياساتتى قولدايتىن دٸن قىزمەتكەرٸ 56 جاستاعى ەبراحيم رايسيگە 15 ميلليوننان استام سايلاۋشى داۋىس بەرگەن. ولارمەن بٸرگە سايلاۋعا تٷسكەن قالعان ەكٸ كانديداتتىڭ ەربٸرٸنٸڭ جيعان داۋىس سانى ميلليونعا جەتپەگەن.
يران پرەزيدەنتٸ سايلاۋىنىڭ شارتى بويىنشا, 50 پايىزدان ارتىق داۋىس العان كانديدات جەڭگەن بولىپ سانالادى.
مامىردىڭ 19-ى كٷنٸ ٶتكەن پرەزيدەنت سايلاۋىنا داۋىس بەرۋگە 40 ميلليوننان اسا, ياعني تٸزٸمدەگٸ سايلاۋشىلاردىڭ 70 پايىزدان كٶبٸ قاتىسقان. بۇنىڭ الدىندا, 2013 جىلعى سايلاۋدا دا سايلاۋشىلار وسىنداي بەلسەندٸلٸك تانىتقان بولاتىن. سول جولعى سايلاۋدا جەڭٸسكە جەتكەن حاسان روۋحاني يراندى حالىقارالىق سانكتسييالار قۇرساۋىنان بوساتۋعا ۋەدە ەتكەن ەدٸ. ول العاشقى پرەزيدەنتتٸك مەرزٸمدە, 2015 جىلى يراننىڭ يادرولىق باعدارلاماسىن شەكتەپ, ەسەسٸنە وسى ەلگە سالىنعان حالىقارالىق سانكتسييالاردى الىپ تاستاۋ تۋرالى اقش جەنە ٶزگە ەلەمدٸك دەرجاۆالاردىڭ تەگەرانمەن جاساسقان كەلٸسٸمٸندە نەگٸزگٸ رول اتقاردى.
بۇرىنعى پروكۋرور, دٸني كونسەرۆاتور ەبراحيم رايسي بەسەكەلەسٸ روۋحانيدٸڭ ەلەمدٸك دەرجاۆالارمەن بەكٸتكەن يادرولىق كەلٸسٸمگە قارسى. رايسي 1988 جىلدىڭ جازىندا مىڭداعان ساياسي تۇتقىندى جازالاعان «ٶلٸم جازاسىن شىعاراتىن كوميسسييانىڭ» مٷشەسٸ بولعان.
ەل ازاماتتارى سايلايتىن يران پرەزيدەنتٸ ٸشكٸ جەنە سىرتقى ساياسات جٷرگٸزۋ ٶكٸلەتتٸگٸنە يە اتقارۋشى بيلٸك باسشىسى سانالادى. بٸراق ٸس جٷزٸندە يراندا جوعارعى بيلٸك رۋحاني جەتەكشٸسٸنٸڭ – 77 جاستاعى اياتوللا ەلي حامەنەيدٸڭ قولىندا. ول قارۋلى كٷشتەردٸ, سوت جٷيەسٸن, مەملەكەتتٸك تەلەارنانى جەنە ٶزگە دە ماڭىزدى ٷكٸمەتتٸك ۇيىمداردى باقىلاۋىندا ۇستايدى. سونىمەن بٸرگە ول ەلدٸڭ سىرتقى ساياساتىن بەلگٸلەيدٸ.
