سولتٷستٸك قازاقستان وبلىسىندا 77 جاستاعى زەينەتكەر ينتەرنەت-الاياقتاردىڭ قۇربانى بولىپ, 7 ميلليون تەڭگەدەن استام قارجىسىنان ايىرىلدى, دەپ حابارلايدى ult.kz.
پوليتسييانىڭ مەلٸمەتٸنشە, پەتروپاۆل تۇرعىنى Instagram جەلٸسٸنەن ينۆەستيتسييا ارقىلى جوعارى تابىس تابۋ تۋرالى جارنامانى كٶرگەن. ۇسىنىسقا قىزىققان ەيەل سٸلتەمە ارقىلى ٶتٸپ, بايلانىس مەلٸمەتتەرٸن قالدىرعان.
كٶپ ۇزاماي وعان ٶزٸن ينۆەستيتسييالىق كومپانييا قىزمەتكەرلەرٸ رەتٸندە تانىستىرعان بەلگٸسٸز ادامدار حابارلاسقان. ولار قىسقا مەرزٸمدە مول پايدا تابۋعا بولاتىنىنا سەندٸرٸپ, تٷرلٸ ينۆەستيتسييالىق جوبالارعا اقشا سالۋعا كٶندٸرگەن.
سەۋٸر ايىنىڭ سوڭى مەن مامىر ايىنىڭ باسى ارالىعىندا ەيەل بٸرنەشە رەت بەلگٸسٸز شوتتارعا اقشا اۋدارعان. نەتيجەسٸندە ول ٶمٸر بويى جيناعان قاراجاتىنىڭ بارلىعىنان ايىرىلىپ, كەلتٸرٸلگەن شىعىن كٶلەمٸ 7 ميلليون تەڭگەدەن اسقان.
اقشانى قولعا تٷسٸرگەننەن كەيٸن الاياقتار بايلانىسىن ٷزگەن. سول كەزدە عانا زەينەتكەر الدانعانىن تٷسٸنٸپ, پوليتسيياعا جٷگٸنگەن.
قازٸر اتالعان فاكتٸ بويىنشا سوتقا دەيٸنگٸ تەرگەۋ جٷرگٸزٸلٸپ جاتىر. پوليتسەيلەر اقشا قاراجاتىن شەتەلگە شىعارۋعا پايدالانىلعان ٷش دروپپەردٸڭ جەكە باسىن انىقتاعان. زاڭ بويىنشا جەبٸرلەنۋشٸ كەلتٸرٸلگەن شىعىندى ازاماتتىق تەرتٸپپەن ٶندٸرۋگە قۇقىلى.
قۇقىق قورعاۋ ورگاندارى ازاماتتاردى كٷمەندٸ ينۆەستيتسييالىق ۇسىنىستارعا سەنبەۋگە, ينتەرنەتتەگٸ جارنامالارعا ساقتىقپەن قاراۋعا جەنە قارجى سالۋعا قاتىستى اقپاراتتى تەك رەسمي دەرەككٶزدەر ارقىلى تەكسەرۋگە شاقىردى.
