فوتو: قىزپۋ
بٷگٸن الماتىدا قازاق ۇلتتىق قىزدار پەداگوگيكالىق ۋنيۆەرسيتەتٸنٸڭ ۇيىمداستىرۋىمەن جەنە بٸرٸككەن ۇلتتار ۇيىمىنىڭ قولداۋىمەن عىلىمداعى ەيەلدەر مەن قىزداردىڭ حالىقارالىق كٷنٸنە وراي عىلىمي كونفەرەنتسييا ٶتتٸ. ٸس-شارانى QyzPU-دىڭ «تۇراقتى دامۋ» جەنە «عىلىم» ستۋدەنتتٸك ٶزٸن-ٶزٸ باسقارۋ ۇيىمدارى ۇيىمداستىردى, دەپ حابارلايدى Ult.kz.
ٸس-شارادا قازاقستان رەسپۋبليكاسى عىلىم جەنە جوعارى بٸلٸم مينيسترلٸگٸ جوعارى جەنە جوعارى وقۋ ورنىنان كەيٸنگٸ بٸلٸم كوميتەتٸ تٶراعاسىنىڭ ورىنباسارى اقەركە ابىلايحان عىلىمداعى ەيەلدەر مەن قىزداردىڭ حالىقارالىق كٷنٸمەن عىلىمعا قىزىعۋشىلىق تانىتقان بارشا ستۋدەنت-جاستاردى قۇتتىقتادى.
«بٷگٸن – حالىقارالىق عىلىمداعى ەيەلدەر كٷنٸ. وسى ايتۋلى كٷنمەن بارلىق عىلىمداعى ستۋدەنت-جاستاردى قۇتتىقتايمىن. بٷگٸنگٸ شارادا قازاق ۇلتتىق قىزدار پەداگوگيكالىق ۋنيۆەرسيتەتٸنٸڭ عىلىممەن اينالىسىپ, زەرتحانالاردا جۇمىس ٸستەپ جاتقان جاس عالىمدارىنىڭ كٶرمەسٸمەن تانىستىق. ەلٸمٸز ٷشٸن, جالپى ينجەنەرلٸك-تەحنيكالىق باعىتتاعى عىلىمدى دامىتۋ, سونداي-اق ٶندٸرٸستٸ جەتٸلدٸرۋ – اسا ماڭىزدى. وسى ورايدا, جاستارىمىزدىڭ قولمەن جاساعان سابىن ٶنٸمدەرٸن كٶرٸپ, تەحنولوگييالىق پروتسەستەردٸ تيٸمدٸ جٷرگٸزۋ ارقىلى ونىڭ پايدالى تۇستارىن ارتتىرۋعا ارنالعان زەرتتەۋ جۇمىستارىمەن تانىستىق. جاستارعا, ەسٸرەسە عىلىم جولىندا جٷرگەن قىزدارىمىزعا ايتارىم – عىلىمدى جالعاستىرۋ قاجەت. باستالعان عىلىمي ٸزدەنٸستٸ توقتاتۋعا بولمايدى. سول سەبەپتٸ باكالاۆرياتتا وقىپ جاتقان ستۋدەنتتەرگە تابىس تٸلەيمٸن. ولاردىڭ بولاشاقتا ماگيستراتۋرا مەن دوكتورانتۋرادا بٸلٸمٸن جالعاستىرىپ, قازاق ۇلتتىق قىزدار پەداگوگيكالىق ۋنيۆەرسيتەتٸندە ەلٸمٸزدٸڭ عىلىمي كادرلارىن دايارلاۋ ٸسٸنە ٶز ٷلەستەرٸن قوسا بەرۋلەرٸنە تٸلەكتەسپٸن», – دەدٸ قازاقستان رەسپۋبليكاسى عىلىم جەنە جوعارى بٸلٸم مينيسترلٸگٸ جوعارى جەنە جوعارى وقۋ ورنىنان كەيٸنگٸ بٸلٸم كوميتەتٸ تٶراعاسىنىڭ ورىنباسارى اقەركە ابىلايحان.
فوتو: قىزپۋ
كونفەرەنتسيياعا ەكولوگييا ماگيسترٸ, «Ecology Consulting» كومپانيياسىنىڭ باسشىسى, ەكو-ەتنو-ديزاينەر, ەكوترەنەر جەنە ەكولوگييالىق بەلسەندٸ بوتاكٶز سادىبەكوۆا, Yokogawa Electric Kazakhstan كومپانيياسىنىڭ ينجەنەرٸ دٷيسەنبەك ينكار دەۋرەنقىزى, سونداي-اق قازاق ۇلتتىق قىزدار پەداگوگيكالىق ۋنيۆەرسيتەتٸنٸڭ PhD دوكتورلار قۇرامى ارنايى شاقىرىلدى. سونىمەن قاتار كونفەرەنتسييا قوناقتارى رەتٸندە ەل-فارابي اتىنداعى قازاق ۇلتتىق ۋنيۆەرسيتەتٸ, قازاق-بريتان تەحنولوگييالىق ۋنيۆەرسيتەتٸ, حالىقارالىق اقپاراتتىق تەحنولوگييالار ۋنيۆەرسيتەتٸ, سپورت جەنە تۋريزم اكادەميياسى, م. تىنىشپاەۆ اتىنداعى ALT University ستۋدەنتتەرٸ قاتىستى.
عىلىم سالاسىنداعى ەيەلدەردٸڭ رٶلٸن دەرٸپتەۋ جەنە جاس عالىمداردى ىنتالاندىرۋ ماقساتىندا ٶتكەن عىلىمي كونفەرەنتسييادا جاراتىلىستانۋ, فيزيكا, ماتەماتيكا جەنە تسيفرلىق تەحنولوگييالار باعىتتارىندا جٷرگٸزٸلٸپ جاتقان زاماناۋي زەرتتەۋلەر مەن يننوۆاتسييالىق جوبالار تالقىلاندى.
«الماتى قالاسىنداعى بٸرٸككەن ۇلتتار ۇيىمى عيماراتىنا قوش كەلدٸڭٸزدەر! بٷگٸن بٸز قازاق ۇلتتىق قىزدار پەداگوگيكالىق ۋنيۆەرسيتەتٸمەن بٸرلەسٸپ, عىلىمداعى ەيەلدەر مەن قىزداردىڭ حالىقارالىق كٷنٸنە وراي ٷلكەن مەرەكەلٸك شارا ٶتكٸزٸپ وتىرمىز. جاستاردىڭ عىلىمعا دەگەن قىزىعۋشىلىعىن جەنە ٶز بٸلٸمدەرٸن تەجٸريبەگە اينالدىرا العانىن كٶرٸپ, ەرەكشە قۋانىپ وتىرمىن. وسىنداي ماڭىزدى شارانى بٸرلەسٸپ ۇيىمداستىرعانىمىزعا ٶتە قۋانىشتىمىن», – دەدٸ بۇۇ جاھاندىق كوممۋنيكاتسييالار دەپارتامەنتٸنٸڭ ٶكٸلٸ, قازاقستانداعى بۇۇ اقپاراتتىق ورتالىعىنىڭ باسشىسى ۆلاستيميل سامەك.
ٸس-شارا اياسىندا عىلىمي جەرمەڭكە ۇيىمداستىرىلىپ, وندا ستۋدەنتتەر ٶزدەرٸنٸڭ عىلىمي جوبالارىن تانىستىردى. ەر قاتىسۋشى ٶز زەرتتەۋٸنٸڭ ماقساتى مەن نەتيجەلەرٸن جان-جاقتى تٷسٸندٸرٸپ, عىلىمي قاۋىمداستىقپەن پٸكٸر الماستى.
«بٸزدٸڭ جوبامىزدىڭ اتاۋى – «اقىلدى اۆتوتۇراق». قازٸرگٸ تاڭدا كٶپتەگەن ساۋدا جەنە ساۋىقتىرۋ ورتالىقتارىندا اۆتوتۇراق مەسەلەسٸ جيٸ كەزدەسەدٸ. جٷرگٸزۋشٸلەردٸڭ كٶلٸكتەرٸن دۇرىس قويماۋى سالدارىنان باسقا جٷرگٸزۋشٸلەرگە بوس ورىن تابۋ قيىنعا سوعادى. بٸزدٸڭ جوبامىز دەل وسى مەسەلەنٸ شەشۋگە ارنالعان. بولاشاقتا جوبانى دامىتىپ, ونى ٸسكە اسىرۋدى ماقسات ەتٸپ وتىرمىز», – دەدٸ قازاق ۇلتتىق قىزدار پەداگوگيكالىق ۋنيۆەرسيتەتٸنٸڭ «ينفورماتيكا جەنە روبوتوتەحنيكا» بٸلٸم بەرۋ باعدارلاماسىنىڭ 3 كۋرس ستۋدەنتٸ جارقىناي باحىتجان.
شارادا قازاق ۇلتتىق قىزدار پەداگوگيكالىق ۋنيۆەرسيتەتٸنٸڭ ستۋدەنتتٸك رەكتورات قۇرامى «عىلىمداعى ەيەلدەر» تاقىرىبى بويىنشا بايانداما جاسادى. كونفەرەنتسييانىڭ نەگٸزگٸ بٶلٸگٸ عىلىمي جوبالار مەن زەرتتەۋ جۇمىستارىنىڭ قورعالۋىنا ارنالدى. قاتىسۋشىلار ٶز زەرتتەۋلەرٸن جان-جاقتى تانىستىرىپ, يننوۆاتسييالىق شەشٸمدەر ۇسىندى. پانەلدٸك پٸكٸرتالاس بارىسىندا عىلىم مەن تەحنولوگييا سالاسىنداعى ٶزەكتٸ مەسەلەلەر تالقىلانىپ, قاتىسۋشىلار ۋنيۆەرسيتەتتٸڭ PhD دوكتورلارى قۇرامىنان تٸكەلەي جاۋاپ الۋ مٷمكٸندٸگٸنە يە بولدى.
فوتو: Ult.kz
كونفەرەنتسييا سوڭىندا بۇۇ جاھاندىق كوممۋنيكاتسييالار دەپارتامەنتٸنٸڭ ٶكٸلٸ جەنە قر بۇۇ اقپاراتتىق ورتالىعىنىڭ باسشىسى ۆلاستيميل سامەك جەنە عىلىمي جۇمىس جەنە حالىقارالىق ىنتىماقتاستىق جٶنٸندەگٸ پرورەكتور دجۋماكۋلوۆ زاكير دانيياروۆيچ بەلسەندٸ ستۋدەنتتەر مەن قوناقتارعا العىسىن بٸلدٸرٸپ, عىلىم مەن بٸلٸمگە قوسقان ٷلەستەرٸ ٷشٸن العىس حاتتار تابىستادى.
«بٷگٸنگٸ شارادا بٸزدٸڭ دوكتورانتتارىمىز, ستۋدەنتتەرٸمٸز جەنە زەرتتەۋشٸلەرٸمٸز ٶزدەرٸنٸڭ عىلىمي جوبالارىن ۇسىندى. سونىمەن قاتار ەيەلدەردٸڭ تاريحتاعى جەنە قازٸرگٸ عىلىمعا قوسقان ماڭىزدى ٷلەسٸ تۋرالى دا ايتىلدى. شارانىڭ باستى ماقساتى – ستۋدەنت قىزداردى عىلىمعا تارتۋ», – دەدٸ قازاق ۇلتتىق قىزدار پەداگوگيكالىق ۋنيۆەرسيتەتٸنٸڭ عىلىمي جۇمىس جەنە حالىقارالىق ىنتىماقتاستىق جٶنٸندەگٸ پرورەكتورى دجۋماكۋلوۆ زاكير دانييارۇلى.
بۇل ٸس-شارا عىلىم سالاسىنداعى ەيەلدەردٸڭ رٶلٸن ايقىنداپ قانا قويماي, جاس عالىمداردى جاڭا جەتٸستٸكتەرگە جەتەلەۋگە جەنە ولاردىڭ عىلىمي ٸزدەنٸستەرٸن قولداۋعا باعىتتالعان ماڭىزدى قادام بولدى.
فوتو: Ult.kz
