Foto: QyzPÝ
Búgin Almatyda Qazaq ulttyq qyzdar pedagogikalyq ýniversitetiniń uiymdastyrýymen jáne Birikken Ulttar Uiymynyń qoldaýymen Ǵylymdaǵy áielder men qyzdardyń halyqaralyq kúnine orai ǵylymi konferentsiia ótti. Is-sharany QyzPU-dyń «Turaqty damý» jáne «Ǵylym» stýdenttik ózin-ózi basqarý uiymdary uiymdastyrdy, dep habarlaidy Ult.kz.
Is-sharada Qazaqstan Respýblikasy Ǵylym jáne joǵary bilim ministrligi Joǵary jáne joǵary oqý ornynan keiingi bilim komiteti tóraǵasynyń orynbasary Aqerke Abylaihan Ǵylymdaǵy áielder men qyzdardyń halyqaralyq kúnimen ǵylymǵa qyzyǵýshylyq tanytqan barsha stýdent-jastardy quttyqtady.
«Búgin – halyqaralyq ǵylymdaǵy áielder kúni. Osy aitýly kúnmen barlyq ǵylymdaǵy stýdent-jastardy quttyqtaimyn. Búgingi sharada Qazaq ulttyq qyzdar pedagogikalyq ýniversitetiniń ǵylymmen ainalysyp, zerthanalarda jumys istep jatqan jas ǵalymdarynyń kórmesimen tanystyq. Elimiz úshin, jalpy injenerlik-tehnikalyq baǵyttaǵy ǵylymdy damytý, sondai-aq óndiristi jetildirý – asa mańyzdy. Osy oraida, jastarymyzdyń qolmen jasaǵan sabyn ónimderin kórip, tehnologiialyq protsesterdi tiimdi júrgizý arqyly onyń paidaly tustaryn arttyrýǵa arnalǵan zertteý jumystarymen tanystyq. Jastarǵa, ásirese ǵylym jolynda júrgen qyzdarymyzǵa aitarym – ǵylymdy jalǵastyrý qajet. Bastalǵan ǵylymi izdenisti toqtatýǵa bolmaidy. Sol sebepti bakalavriatta oqyp jatqan stýdentterge tabys tileimin. Olardyń bolashaqta magistratýra men doktorantýrada bilimin jalǵastyryp, Qazaq ulttyq qyzdar pedagogikalyq ýniversitetinde elimizdiń ǵylymi kadrlaryn daiarlaý isine óz úlesterin qosa berýlerine tilektespin», – dedi Qazaqstan Respýblikasy Ǵylym jáne joǵary bilim ministrligi Joǵary jáne joǵary oqý ornynan keiingi bilim komiteti tóraǵasynyń orynbasary Aqerke Abylaihan.
Foto: QyzPÝ
Konferentsiiaǵa ekologiia magistri, «Ecology Consulting» kompaniiasynyń basshysy, eko-etno-dizainer, ekotrener jáne ekologiialyq belsendi Botakóz Sadybekova, Yokogawa Electric Kazakhstan kompaniiasynyń injeneri Dúisenbek Inkar Dáýrenqyzy, sondai-aq Qazaq ulttyq qyzdar pedagogikalyq ýniversitetiniń PhD doktorlar quramy arnaiy shaqyryldy. Sonymen qatar konferentsiia qonaqtary retinde Ál-Farabi atyndaǵy Qazaq ulttyq ýniversiteti, Qazaq-Britan tehnologiialyq ýniversiteti, Halyqaralyq aqparattyq tehnologiialar ýniversiteti, Sport jáne týrizm akademiiasy, M. Tynyshpaev atyndaǵy ALT University stýdentteri qatysty.
Ǵylym salasyndaǵy áielderdiń rólin dáripteý jáne jas ǵalymdardy yntalandyrý maqsatynda ótken ǵylymi konferentsiiada jaratylystaný, fizika, matematika jáne tsifrlyq tehnologiialar baǵyttarynda júrgizilip jatqan zamanaýi zertteýler men innovatsiialyq jobalar talqylandy.
«Almaty qalasyndaǵy Birikken Ulttar Uiymy ǵimaratyna qosh keldińizder! Búgin biz Qazaq ulttyq qyzdar pedagogikalyq ýniversitetimen birlesip, ǵylymdaǵy áielder men qyzdardyń halyqaralyq kúnine orai úlken merekelik shara ótkizip otyrmyz. Jastardyń ǵylymǵa degen qyzyǵýshylyǵyn jáne óz bilimderin tájiribege ainaldyra alǵanyn kórip, erekshe qýanyp otyrmyn. Osyndai mańyzdy sharany birlesip uiymdastyrǵanymyzǵa óte qýanyshtymyn», – dedi BUU Jahandyq kommýnikatsiialar departamentiniń ókili, Qazaqstandaǵy BUU Aqparattyq ortalyǵynyń basshysy Vlastimil Samek.
Is-shara aiasynda ǵylymi jármeńke uiymdastyrylyp, onda stýdentter ózderiniń ǵylymi jobalaryn tanystyrdy. Ár qatysýshy óz zertteýiniń maqsaty men nátijelerin jan-jaqty túsindirip, ǵylymi qaýymdastyqpen pikir almasty.
«Bizdiń jobamyzdyń ataýy – «Aqyldy avtoturaq». Qazirgi tańda kóptegen saýda jáne saýyqtyrý ortalyqtarynda avtoturaq máselesi jii kezdesedi. Júrgizýshilerdiń kólikterin durys qoimaýy saldarynan basqa júrgizýshilerge bos oryn tabý qiynǵa soǵady. Bizdiń jobamyz dál osy máseleni sheshýge arnalǵan. Bolashaqta jobany damytyp, ony iske asyrýdy maqsat etip otyrmyz», – dedi Qazaq ulttyq qyzdar pedagogikalyq ýniversitetiniń «Informatika jáne robototehnika» bilim berý baǵdarlamasynyń 3 kýrs stýdenti Jarqynai Bahytjan.
Sharada Qazaq ulttyq qyzdar pedagogikalyq ýniversitetiniń Stýdenttik Rektorat quramy «Ǵylymdaǵy áielder» taqyryby boiynsha baiandama jasady. Konferentsiianyń negizgi bóligi ǵylymi jobalar men zertteý jumystarynyń qorǵalýyna arnaldy. Qatysýshylar óz zertteýlerin jan-jaqty tanystyryp, innovatsiialyq sheshimder usyndy. Paneldik pikirtalas barysynda ǵylym men tehnologiia salasyndaǵy ózekti máseleler talqylanyp, qatysýshylar ýniversitettiń PhD doktorlary quramynan tikelei jaýap alý múmkindigine ie boldy.
Foto: Ult.kz
Konferentsiia sońynda BUU jahandyq kommýnikatsiialar departamentiniń ókili jáne QR BUU Aqparattyq ortalyǵynyń basshysy Vlastimil Samek jáne Ǵylymi jumys jáne halyqaralyq yntymaqtastyq jónindegi prorektor Djýmakýlov Zakir Daniiarovich belsendi stýdentter men qonaqtarǵa alǵysyn bildirip, ǵylym men bilimge qosqan úlesteri úshin Alǵys hattar tabystady.
«Búgingi sharada bizdiń doktoranttarymyz, stýdentterimiz jáne zertteýshilerimiz ózderiniń ǵylymi jobalaryn usyndy. Sonymen qatar áielderdiń tarihtaǵy jáne qazirgi ǵylymǵa qosqan mańyzdy úlesi týraly da aityldy. Sharanyń basty maqsaty – stýdent qyzdardy ǵylymǵa tartý», – dedi Qazaq ulttyq qyzdar pedagogikalyq ýniversitetiniń Ǵylymi jumys jáne halyqaralyq yntymaqtastyq jónindegi prorektory Djýmakýlov Zakir Daniiaruly.
Bul is-shara ǵylym salasyndaǵy áielderdiń rólin aiqyndap qana qoimai, jas ǵalymdardy jańa jetistikterge jeteleýge jáne olardyń ǵylymi izdenisterin qoldaýǵa baǵyttalǵan mańyzdy qadam boldy.
Foto: Ult.kz
