ەۋروپالىق وداق ازاماتتارعا 1 شٸلدەدەن باستاپ ٶز اۋماعىنا كٸرۋگە رۇقسات بەرٸلگەن 14 ەلدٸڭ تٸزٸمٸن اتادى. بۇل تٸزٸمگە رەسەي, اقش, قىتاي برازيلييا, قازاقستان كٸرمەيدٸ, دەپ حابارلايدى BBC اگەنتتٸگٸ.
ەۋروپا بيلٸگٸنٸڭ شەشٸمٸنە سەيكەس, كوروناۆيرۋستىڭ تارالۋى تۇرعىسىنان «قاۋٸپسٸز» دەپ تانىلعان ەلدەر: الجير, اۋسترالييا, كانادا, گرۋزييا, جاپونييا, چەرنوگورييا, ماروككو, جاڭا زەلاندييا, رۋاندا, سەربييا, وڭتٷستٸك كورەيا, تايلاند, تۋنيس جەنە ۋرۋگۆاي.
بۇل تٸزٸمگە ٶزگەرٸس ەنگٸزٸلۋٸ مٷمكٸن, ول ەكٸ اپتا سايىن قايتا قارالىپ وتىرادى.
ديپلوماتييالىق اقپارات كٶزدەرٸنە سٷيەنسەك, قىتاي بيلٸگٸ ەۋروپالىقتارعا وسىنداي قۇقىق بەرسە, قىتاي دا قاۋٸپسٸز ەلدەر تٸزٸمٸنە قوسىلۋى مٷمكٸن. ۇلىبريتانييا رەسمي تٷردە ەو-دان شىقتى, بٸراق ول ەۋرووداقپەن ٶتپەلٸ كەزەڭ ٷشٸن, كەم دەگەندە, وسى جىلدىڭ 31 جەلتوقسانىنا دەيٸن ورتاق ساياسات جٷرگٸزەدٸ. سوندىقتان بريتاندىق ازاماتتار ەو تۇرعىندارى سيياقتى بٸردەي قۇقىققا يە. BBC ەۋروپالىق رەداكتورى كاتيا ادلەر حابارلاعانداي, سەيسەنبٸ كٷنٸ تٷستەن كەيٸن ەو قاۋٸپسٸز دەپ تانىلعان ەلدەردٸ رەسمي كريتەرييلەرٸ بويىنشا ناقتى ماقۇلداۋعا نيەتتٸ.
الايدا, ەو مٷشەلەرٸنٸڭ كٶپشٸلٸگٸ جوعارىدا اتالعان ەلدەردٸڭ تٸزٸمٸمەن كەلٸسكەن.
