Eýropalyq Odaq azamattarǵa 1 shildeden bastap óz aýmaǵyna kirýge ruqsat berilgen 14 eldiń tizimin atady. Bul tizimge Resei, AQSh, Qytai Braziliia, Qazaqstan kirmeidi, dep habarlaidy BBC agenttigi.
Eýropa biliginiń sheshimine sáikes, koronavirýstyń taralýy turǵysynan «qaýipsiz» dep tanylǵan elder: Aljir, Aýstraliia, Kanada, Grýziia, Japoniia, Chernogoriia, Marokko, Jańa Zelandiia, Rýanda, Serbiia, Ońtústik Koreia, Tailand, Týnis jáne Ýrýgvai.
Bul tizimge ózgeris engizilýi múmkin, ol eki apta saiyn qaita qaralyp otyrady.
Diplomatiialyq aqparat kózderine súiensek, Qytai biligi eýropalyqtarǵa osyndai quqyq berse, Qytai da qaýipsiz elder tizimine qosylýy múmkin. Ulybritaniia resmi túrde EO-dan shyqty, biraq ol Eýroodaqpen ótpeli kezeń úshin, kem degende, osy jyldyń 31 jeltoqsanyna deiin ortaq saiasat júrgizedi. Sondyqtan britandyq azamattar EO turǵyndary siiaqty birdei quqyqqa ie. BBC eýropalyq redaktory Katia Adler habarlaǵandai, seisenbi kúni tústen keiin EO qaýipsiz dep tanylǵan elderdi resmi kriteriileri boiynsha naqty maquldaýǵa nietti.
Alaida, EO músheleriniń kópshiligi joǵaryda atalǵan elderdiń tizimimen kelisken.
