ەۋرازييا ەكونوميكالىق وداق كەڭەسٸ جەكە تۇلعالار ٷشٸن ەۋرازييا ەكونوميكالىق وداعىنىڭ كەدەن اۋماعىندا اۆتوموبيلدەر مەن باسقا كٶلٸك قۇرالدارىنىڭ ۋاقىتشا جٷرٸپ-تۇرۋ مەرزٸمٸن 30 قىركٷيەككە دەيٸن ۇزارتتى, دەپ حابارلايدى ەۋرازييا ەكونوميكالىق وداعىنىڭ باسپاسٶز قىزمەتٸ.
وسىلايشا اۆتوموبيلدەر مەن باسقا تەحنيكانى ۋاقىتشا كٸرگٸزگەن ازاماتتار 30 قىركٷيەككە دەيٸن ولاردى ەاەو-دان قايتا شىعارۋ مٸندەتٸنەن بوساتىلدى. تيٸسٸنشە ولارعا قاتىستى ەكٸمشٸلٸك شارالار قولدانىلماي, كەدەندٸك تٶلەم تٶلەنبەيدٸ.
بۇل شەشٸم سونداي-اق كالينينگراد وبلىسىنان جەڭٸلدٸك تەرتٸبٸمەن كەدەننەن ٶتكٸزٸلگەن كٶلٸكپەن كەلٸپ, ٷيٸنە ورالا الماعان ازاماتتارعا دا قاتىستى.
كەڭەس سونداي-اق ەاەو-عا تۇرعىلىقتى مەكەنجايعا كٶشٸپ كەلگەن تۇلعا, بوسقىن, شاراسىزدان قونىس اۋدارۋشىلاردىڭ وداققا جەكە مٷلٸگٸن باج سالىعىن تٶلەمەي كٸرگٸزۋدٸڭ 18 ايلىق مەرزٸمٸن 30 قىركٷيەككە دەيٸن توقتاتتى.
شەشٸم 1 ناۋرىزدان 30 قىركٷيەككە دەيٸن تۋىنداعان نەمەسە تۋىندايتىن مەسەلەلەرگە قاتىستى بولادى. بۇل شەشٸم ەاەو-نىڭ كوروناۆيرۋس ٸندەتٸنە قارسى كٷرەس بويىنشا قابىلداعان شارالارىنا بايلانىستى ازاماتتاردىڭ ٶز قۇقىقتارىن ٸسكە اسىرىپ, مٸندەتتەرٸن ورىنداۋ مٷمكٸندٸگٸنٸڭ جوقتىعى سەبەبٸمەن قابىلدانعان.
