Eýraziia ekonomikalyq odaq keńesi jeke tulǵalar úshin Eýraziia ekonomikalyq odaǵynyń keden aýmaǵynda avtomobilder men basqa kólik quraldarynyń ýaqytsha júrip-turý merzimin 30 qyrkúiekke deiin uzartty, dep habarlaidy Eýraziia ekonomikalyq odaǵynyń baspasóz qyzmeti.
Osylaisha avtomobilder men basqa tehnikany ýaqytsha kirgizgen azamattar 30 qyrkúiekke deiin olardy EAEO-dan qaita shyǵarý mindetinen bosatyldy. Tiisinshe olarǵa qatysty ákimshilik sharalar qoldanylmai, kedendik tólem tólenbeidi.
Bul sheshim sondai-aq Kaliningrad oblysynan jeńildik tártibimen kedennen ótkizilgen kólikpen kelip, úiine orala almaǵan azamattarǵa da qatysty.
Keńes sondai-aq EAEO-ǵa turǵylyqty mekenjaiǵa kóship kelgen tulǵa, bosqyn, sharasyzdan qonys aýdarýshylardyń odaqqa jeke múligin baj salyǵyn tólemei kirgizýdiń 18 ailyq merzimin 30 qyrkúiekke deiin toqtatty.
Sheshim 1 naýryzdan 30 qyrkúiekke deiin týyndaǵan nemese týyndaityn máselelerge qatysty bolady. Bul sheshim EAEO-nyń koronavirýs indetine qarsy kúres boiynsha qabyldaǵan sharalaryna bailanysty azamattardyń óz quqyqtaryn iske asyryp, mindetterin oryndaý múmkindiginiń joqtyǵy sebebimen qabyldanǵan.
