فوتو: استانا ەكٸمدٸگٸ
استانادا LRT ٸسكە قوسىلعان العاشقى تەۋلٸكتٸڭ ٶزٸندە جولاۋشىلار تاراپىنان قاۋٸپسٸزدٸك ەرەجەلەرٸن ٶرەسكەل بۇزۋ دەرەكتەرٸ تٸركەلدٸ. بۇل تۋرالى City Transportation Systems (CTS) كومپانيياسى حابارلادى.
كومپانييا مەلٸمەتٸنشە, پويىزداردىڭ بٸرنەشە رەت توقتاپ قالۋىنا جولاۋشىلاردىڭ بەيبەرەكەت ەرەكەتتەرٸ سەبەپ بولعان. اتاپ ايتقاندا, كەيبٸر تۇرعىندار ۆاگون ەسٸكتەرٸنٸڭ جابىلۋىنا ەدەيٸ كەدەرگٸ كەلتٸرٸپ, ولاردى قولمەن اشۋعا تىرىسقان. سونداي-اق شۇعىل تەجەۋ جەنە ەسٸكتٸ اشۋ باتىرمالارىن نەگٸزسٸز باسۋ جاعدايلارى تٸركەلگەن.
جٷيە تولىق اۆتوماتتاندىرىلعاندىقتان, مۇنداي ەرەكەتتەر قاۋٸپ رەتٸندە باعالانىپ, پويىزدار اۆتوماتتى تٷردە توقتاتىلعان. بۇل ديسپەتچەرلٸك تەكسەرٸس جٷرگٸزۋ ٷشٸن قاجەت بولعان.
تەرتٸپ بۇزۋشىلار بەينەباقىلاۋ كامەرالارى ارقىلى انىقتالدى. جينالعان ماتەريالدار كٸنەلٸلەردٸ جاۋاپكەرشٸلٸككە تارتۋ ٷشٸن قۇقىق قورعاۋ ورگاندارىنا جولدانعان.
CTS كومپانيياسى جولاۋشىلاردى قوعامدىق كٶلٸكتەگٸ قاۋٸپسٸزدٸك تالاپتارىن قاتاڭ ساقتاۋعا شاقىردى. سونداي-اق جەلٸدە جوعارى كەرنەۋلٸ توك بار ەكەنٸ ەسكەرتٸلٸپ, ەرەجە بۇزۋدىڭ سوڭى اۋىر سالدارعا ەكەلۋٸ مٷمكٸن ەكەنٸ ايتىلدى.
