فوتو: قر مام
ارمەنييادا ٶتٸپ جاتقان قازاقستاننىڭ مەدەني كٷندەرٸ اياسىندا ەرەۆان قالاسىندا اباي قۇنانبايۇلى اتىنداعى ساياباقتىڭ سالتاناتتى اشىلۋى ٶتتٸ, دەپ حابارلايدى Ult.kz.
ايتۋلى وقيعا مەملەكەت باسشىسى قاسىم-جومارت توقاەۆتىڭ ەرەۆانعا جاساعان رەسمي ساپارى بارىسىندا قول جەتكٸزٸلگەن مەملەكەتتەر باسشىلارى اراسىنداعى كەلٸسٸم نەتيجەسٸندە جٷزەگە استى.
سالتاناتتى ٸس-شاراعا قازاقستان رەسپۋبليكاسىنىڭ رەسمي دەلەگاتسيياسىن باستاپ بارعان قر مەدەنيەت جەنە اقپارات مينيسترٸ ايدا بالاەۆا, ارمەنييا رەسپۋبليكاسىنىڭ بٸلٸم, عىلىم, مەدەنيەت جەنە سپورت مينيسترٸ جاننا اندرەاسيان, ەرەۆان قالاسى مەرٸنٸڭ بٸرٸنشٸ ورىنباسارى ارمەن پامبۋحچيان, قازاقستان رەسپۋبليكاسىنىڭ ارمەنييا رەسپۋبليكاسىنداعى تٶتەنشە جەنە ٶكٸلەتتٸ ەلشٸسٸ بولات يمانباەۆ, سونداي-اق قوس ەلدٸڭ زييالى قاۋىم ٶكٸلدەرٸ, جەرگٸلٸكتٸ تۇرعىندار مەن ارميان استاناسىنىڭ قوناقتارى قاتىستى.
ساياباقتىڭ اشىلۋ سالتاناتىندا قىسقاشا سٶز سٶيلەگەن ايدا بالاەۆا ارمەنييا بيلٸگٸنە جەنە جوبانىڭ جٷزەگە اسۋىنا اتسالىسقان بارلىق ازاماتتارعا العىسىن بٸلدٸردٸ. مينيستر بۇل وقيعانىڭ ەكٸ ەل اراسىنداعى مەدەني ىنتىماقتاستىقتىڭ جاڭا كەزەڭٸن بٸلدٸرەتٸنٸن اتاپ ٶتتٸ.
– بٸز بٷگٸن تاريحي وقيعانىڭ كۋەسٸ بولىپ وتىرمىز. ارمەنييا استاناسىندا قازاقتىڭ ۇلى اقىنى ەرٸ ويشىلى اباي قۇنانبايۇلىنا ارنالعان ساياباق اشىلدى. قازاقستان رەسپۋبليكاسىنىڭ پرەزيدەنتٸ قاسىم-جومارت توقاەۆ ارمەنييا رەسپۋبليكاسىنا رەسمي ساپارى اياسىندا استانا قالاسىنداعى بٸر كٶشەگە ارميان ەلٸپبيٸنٸڭ نەگٸزٸن قالاۋشى مەسروپ ماشتوتس ەسٸمٸن بەرۋ تۋرالى ەكٸجاقتى كەلٸسٸم جاسالعانى بەلگٸلٸ. بٷگٸن بٸز سول كەلٸسٸمنٸڭ, دوستىق پەن تىعىز مەدەني بايلانىستاردىڭ ايقىن كٶرٸنٸسٸنە اينالعانىن كٶرٸپ وتىرمىز, – دەدٸ قر مەدەنيەت جەنە اقپارات مينيسترٸ.
فوتو: قر مام
سالتاناتتى ٸس-شارا اياسىندا قازاقستان مەن ارمەنييا مينيسترلەرٸ ەكٸ ەل اراسىنداعى مەدەني بايلانىستاردىڭ تامىرى تەرەڭدەپ, بولاشاقتا ودان ەرٸ نىعايا تٷسەتٸنٸنٸڭ نىشانى رەتٸندە ساياباققا اعاش وتىرعىزدى.
ايتا كەتەيٸك, ابايعا ارنالعان ەسكەرتكٸشتەر, بيۋستتەر مەن مەموريالدىق تاقتالار ەلەمنٸڭ ونداعان ەلٸندە – بوسنييا جەنە گەرتسەگوۆينا, گەرمانييا, گرۋزييا, يران, كورەيا, قىتاي, قىرعىزستان, ۆەنگرييا, ەگيپەت, ٶزبەكستان, رۋمىنييا, تٷركييا, تٷرٸكمەنستان, فرانتسييا, شۆەيتسارييا جەنە تاتارستاندا (رەسەي) ورناتىلعان.
مەرەكەلٸك ٸس-شارا سوڭى اباي قۇنانبايۇلىنىڭ «سەگٸز اياق» شىعارماسىن ورىنداعان قازاقستاننىڭ دومبىراشىلار انسامبلٸ مەن اۆان مەدەنيەت ٷيٸنٸڭ جاس ٶنەرپازدارىنىڭ كونتسەرتٸمەن جالعاستى. سونىمەن قاتار قوناقتار قازاق حالقىنىڭ ۇلتتىق مەدەنيەتٸمەن, زاماناۋي ەدەبيەتٸمەن جەنە دەستٷرلٸ تاعامدارىمەن تانىستى.
فوتو: قر مام
