تەجٸكستاندا پرەزيدەنت ەمومالي راحموننىڭ دانا ويلارى مەن پٸكٸرلەرٸ جيناقتالعان كٸتاپ جارىققا شىقتى, - دەپ حابارلايدى "ۇلت اقپارات" ازاتتىققا سٸلتەمە جاساپ.
راحموننىڭ اعا كەڭەسشٸسٸ زافار سايدزودتىڭ ايتۋىنشا, "تەجٸكستان پرەزيدەنتٸ, بەيبٸتشٸلٸك پەن ۇلتتىق بٸرلٸكتٸڭ نەگٸزٸن سالۋشىنىڭ دانا ويلارى مەن تەمسٸلدەرٸ" دەپ اتالاتىن, 464 پاراقتان تۇراتىن كٸتابىنىڭ تيراجى 500 دانا. كٸتاپتىڭ ەلەكتروندىق نۇسقاسى ۇلتتىق كٸتاپحانانىڭ ۆەبسايتىنا جارييالانعان. كٸتاپتا راحموننىڭ بەيبٸتشٸلٸك, تەۋەلسٸزدٸك, تاريح جەنە ەيەلدەر تۋرالى ويلارى بەرٸلگەن.
"ۇلتتىق مەملەكەتتٸلٸك, ونىڭ بارلىق اتريبۋتتارى مەن سيمۆولدارى ەربٸر تەجٸك ەيەلٸنٸڭ وي-ساناسى مەن جان-دٷنيەسٸنە ورنىعىپ, انا سٷتٸ ارقىلى ۇرپاقتان ۇرپاققا بەرٸلۋٸ تيٸس" دەلٸنگەن كٸتاپتاعى ٷزٸندٸلەردٸڭ بٸرٸندە.
كٸتاپتى ورىس تٸلٸنە اۋدارىپ باسۋ دا جوسپارلانىپ وتىر.
تەجٸكستاندى شيرەك عاسىر بويى باسقارىپ كەلە جاتقان ەمومالي راحمونعا 2015 جىلى پارلامەنت "ۇلت كٶشباسشىسى" دەگەن مەرتەبە بەرگەن.
2016 جىلى تەجٸكستاندا كونستيتۋتسيياعا راحمونعا پرەزيدەنت سايلاۋىنا تاعى دا تٷسۋٸنە ەرەكشە قۇقىق بەرەتٸن تٷزەتۋلەر ەنگٸزٸلگەن.
تەجٸك بيلٸگٸنٸڭ ساياساتى راحموندى تەجٸكستاندى تەۋەلسٸزدٸك العان سوڭ باستالعان بەس جىلدىق ازاماتتىق سوعىسىندا بەيبٸتشٸلٸككە جەتكٸزگەن قۇتقارۋشى سيپاتىندا ناسيحاتتايدى. بٸراق راحمون بيلٸگٸن سىنايتىندار ونىڭ رەجيمٸن ادام قۇقىعىن ٷنەمٸ بۇزادى دەپ ايىپتايدى.
