مەملەكەت باسشىسى ٶز جولداۋىندا ٷكٸمەت 17 ٸرٸ جوبانىڭ تٸزٸمٸن جاساعانىن اتاپ ٶتتٸ. وندا تەرەڭ ٶڭدەۋ تەسٸلٸن مەڭگەرۋگە باسىمدىق بەرٸلگەن. ايۋىنشا, ٶز شيكٸزاتىمىز بەن قۇرال-جابدىقتارىمىزدى بارىنشا پايدالانۋ, ٸرٸ كەسٸپورىندارعا جاپسارلاس ٶندٸرٸستەر اشۋ ماڭىزدى.
"مەن جۋىردا قاراعاندى وبلىسىندا بولدىم. سول كەزدە «Qarmet» مەتاللۋرگييا كومبيناتىنا باردىم. وتاندىق ينۆەستور كەلگەن سوڭ, ونداعى احۋال ەدەۋٸر تۇراقتالدى. كەسٸپورىن جاڭعىرتىلا باستادى. بۇل قادام ٶندٸرٸلەتٸن ٶنٸم كٶلەمٸن ايتارلىقتاي ارتتىرۋعا تيٸس", - دەدٸ ول.
سونداي-اق, ساران قالاسىنىڭ ەكونوميكاسىن ەرتاراپتاندىرۋ جۇمىسى جٷرگٸزٸلٸپ جاتقانىن ايتتى. وندا اۆتوكٶلٸك دوڭعالاعىن جەنە تۇرمىستىق تەحنيكا شىعاراتىن ٶندٸرٸستەر ٸسكە قوسىلدى.
"سونىڭ ارقاسىندا بۇل ەلدٸ مەكەن مونوقالالار ساناتىنان شىعارىلدى. باسقا دا مونوقالالارعا دەم بەرۋ ٷشٸن وسى تەجٸريبەنٸ قولدانۋ قاجەت. جالپى, ايماقتاردىڭ ٶسٸپ-ٶركەندەۋٸنە جول اشاتىن جاڭا ٶندٸرٸس ورىندارىن بارىنشا دامىتۋ كەرەك", - دەپ اتاپ ٶتتٸ پرەزيدەنت.
پرەزيدەنت ارنايى جارلىقپەن قۇرىلعان الاتاۋ قالاسى تۋرالى دا ايتتى. بۇل قالا قارقىندى داميتىن, يننوۆاتسييا كەڭٸنەن قولدانىلاتىن ەرٸ بٸلٸكتٸ ماماندار جۇمىس ٸستەيتٸن ورىنعا اينالۋى قاجەتتٸگٸن اتاپ ٶتتٸ. ٷكٸمەت وندا جايلى ٶمٸر سٷرٸپ, تابىستى ەڭبەك ەتۋگە, ينۆەستيتسييا سالۋعا قولايلى جاعداي جاساۋعا تيٸس.
"اۆتوكٶلٸك قۇراستىرۋ ٸسٸندە وڭ نەتيجەلەر بار. وسى قارقىندى ساقتاپ, جەرگٸلٸكتٸ ٶندٸرٸس كٶلەمٸن ۇدايى ارتتىرۋ كەرەك. مەملەكەتتٸڭ اۆتوكٶلٸك ٶنەركەسٸبٸنە كٶرسەتٸپ جاتقان جان-جاقتى قولداۋى تٷپتٸڭ تٷبٸندە تولىققاندى اۆتوكٶلٸك قۇراستىرۋ كلاستەرٸ رەتٸندە ەلدٸڭ يگٸلٸگٸنە اينالۋى قاجەت", - دەدٸ ول.
