اقتٶبە قالالىق سوتى 35 جاستاعى ازات قونىسقا قاتىستى قىلمىستىق ٸس بويىنشا ٷكٸم شىعاردى. ول قىلمىستىق كودەكستٸڭ 174-بابىنىڭ 1-بٶلٸگٸ («دٸني الاۋىزدىقتى قوزدىرۋ») بويىنشا كٸنەلٸ دەپ تانىلىپ, 3 جىل 6 ايعا باس بوستاندىعىنان ايىرىلدى. جازاسىن قاۋٸپسٸزدٸگٸ ورتاشا قىلمىستىق-اتقارۋ جٷيەسٸ مەكەمەسٸندە ٶتەيدٸ, دەپ حابارلايدى ult.kz.
سوت ماتەريالدارىنا سەيكەس, سوتتالۋشى ەلەۋمەتتٸك جەلٸدەگٸ تٸكەلەي ەفير بارىسىندا قازاقتىڭ ۇلتتىق اسپابى – دومبىراعا قاتىستى قورلايتىن پٸكٸر ايتىپ, قازاقستان مۇسىلماندارى دٸني باسقارماسى ٶكٸلدەرٸن بالاعاتتاعان.
مەملەكەتتٸك ايىپتاۋشىنىڭ ايتۋىنشا, ونىڭ مەلٸمدەمەلەرٸ دٸني جەنە ۇلتتىق الاۋىزدىقتى قوزدىرۋ بەلگٸلەرٸن قامتىعان. پروكۋرور سوتتان سوتتالۋشىعا 3 جىل 6 اي مەرزٸمگە باس بوستاندىعىنان ايىرۋ جازاسىن تاعايىنداۋدى سۇرادى.
سوت وتىرىسىندا ازات قونىس ٶز كٸنەسٸن تولىق مويىنداپ, ايتقان سٶزدەرٸنە ٶكٸنەتٸنٸن جەتكٸزدٸ. ول قازاق حالقىنان كەشٸرٸم سۇراپ, ٶزٸن باس بوستاندىعىنان ايىرماۋدى ٶتٸنگەن.
الايدا سوت ونىڭ ەرەكەتتەرٸن قىلمىستىق قۇقىقبۇزۋشىلىق دەپ تانىپ, 3 جىل 6 ايعا باس بوستاندىعىنان ايىرۋ تۋرالى ٷكٸم شىعاردى.
ەسكە سالايىق, ەلەۋمەتتٸك جەلٸدە تاراعان ۆيدەودان كەيٸن قۇقىق قورعاۋ ورگاندارى ونىڭ جەكە باسىن انىقتاپ, كٷدٸكتٸنٸ ۇستاپ, ۋاقىتشا ۇستاۋ يزولياتورىنا قاماعان بولاتىن.
