فوتو: Aikyn.kz
سان عاسىردان بەرٸ مۇسىلماندىق جولدى ۇستانعان بابالارىمىز انا تٸلٸمٸزدەگٸ سٶزدەردٸ قولدانعان. بۇل تۋرالى ەلوردادا ٶتكەن باسپاسٶز مەسليحاتىندا باس مٷفتي ناۋرىزباي قاجى تاعانۇلى مەلٸم ەتتٸ, دەپ حابارلايدى Ult.kz قازاقپاراتقا سٸلتەمە جاساپ.
"وسى رەتتە جاستاردى دٸني تەرميندەردٸ قازاقشا ايتۋعا شاقىرامىن. ٶكٸنٸشكە قاراي, كەيبٸر جاس بۋىن ٶكٸلدەرٸنٸڭ اۋىزاشاردى - يفتار, سەرەسٸن - سۋحۋر دەپ ايتىپ جٷرگەنٸ كٶڭٸلگە قاياۋ تٷسٸرەدٸ. سان عاسىردان بەرٸ مۇسىلماندىق جولدى ۇستانعان اتا-بابالارىمىز اۋىزاشار, سەرەسٸ دەگەن سٶزدەردٸ قولدانعان. بٸز دە بابالار جولىن ۇستانعان ۇرپاق رەتٸندە ٶزگە تٸلدەن ەنگەن دٸني تەرميندەردەن بارىنشا اۋلاق بولىپ, ٶزٸمٸزدٸڭ اتا-بابامىزدان قالعان جاقسى سٶزدەردٸ قولدانىپ, ٶزٸمٸزدٸڭ انا تٸلٸمٸزگە قۇرمەت كٶرسەتٸپ, قازاقشا سٶيلەۋگە تىرىسايىق, - دەدٸ ناۋرىزباي قاجى تاعانۇلى.
قازاقستان مۇسىلماندارى دٸني باسقارماسى ورتاق پەتۋاعا سەيكەس, قاسيەتتٸ رامازان ايى 1 ناۋرىزدا باستالاتىنىن حابارلاپ وتىر. ناۋرىز ايىنىڭ 26-نان 27-نە قاراعان تٷن — قادٸر تٷنٸ, ال 30 ناۋرىز — ورازا ايت مەرەكەسٸ.
ەلٸمٸزدٸڭ باس مٷفتيٸ ناۋرىزباي قاجى تاعانۇلىنىڭ تٶراعالىعىمەن ٶتكەن قازاقستان مۇسىلماندارى دٸني باسقارماسىنىڭ تٶرالقا مەجٸلٸسٸندە پٸتٸر ساداقاسى ەلٸمٸز بويىنشا ەكٸ كەلٸ ۇننىڭ ورتاشا باعاسى نەگٸزٸندە 655 تەڭگە بولىپ بەكٸتٸلدٸ.
