دٸن كٶشباسشىلارى سەنٸمنٸڭ جاھاندىق داعدارىسىن ەڭسەرۋگە ٷلەس قوسۋلارى تيٸس. بۇل تۋرالى بٷگٸن ەلوردادا ٶتٸپ جاتقان ەلەمدٸك جەنە دەستٷرلٸ دٸندەر كٶشباسشىلارىنىڭ VI سەزٸندە قر پرەزيدەنتٸ نۇرسۇلتان نازارباەۆ ايتتى, دەپ حابارلايدى قازاقپارات تٸلشٸسٸ.
قر پرەزيدەنتٸنٸڭ اتاپ ٶتۋٸنشە, بٷگٸندە ەلەم ەلدەرٸنٸڭ نەگٸزگٸ كٷش-جٸگەرٸ ىنتىماقتاستىققا ەمەس بەسەكەلەستٸككە باعىتتالىپ وتىر.
«تۋراسىن ايتساق, بۇل مٷلدەم قاتە, تٷيىققا تٸرەلەتٸن جول. سوندىقتان بٸزدٸڭ ورتاق پارىزىمىز - پروگرەسس ماگيسترالٸنە ورالۋعا جەردەم كٶرسەتۋ. بۇل جەردە باياۋلاۋعا جول جوق. جٷزدەگەن مىڭ, ميللليونداعان ادام تۋعان جەرلەرٸن تاستاپ كەتۋگە مەجبٷر, سان جەتپەس كٶپشٸلٸگٸ ٸز-تٷسسٸز جوعالادى. عالامشارداعى بوسقىندار سانى 65 ميلليوننان اسىپ جىعىلدى», - دەدٸ پرەزيدەنت.
مەملەكەت باسشىسى جىل سايىن تابيعي اپاتتاردىڭ سالدارىنان 4 ميلليون ادام كەدەيشٸلٸكتٸڭ كەبٸن كيسە, ميلليونداعان ادام ٷيلەرٸن تاستاپ كەتۋگە مەجبٷر بولاتىندىعىن باسا ايتتى. تەحنولوگييادىق دامۋ قارقىندى جٷرٸپ, جالپى ەلەمدٸك بايلىق ارتا تٷسكەنٸمەن ەلەۋمەتتٸك اۋىرتپالىق اۋقىمى دا ۇلعايا تٷسكەنٸن اتاپ ٶتتٸ.
«بۇۇ مەلٸمەتتەرٸنە سەيكەس جەر شارى تۇرعىندارىنىڭ 14 پايىزى اشتىقتا ٶمٸر سٷرۋدە. جۇمىسسىزداردىڭ جالپى سانى 190 ميلليون ادامنان اسىپ جىعىلدى. بۇل كاپيتاليزمنٸڭ قۇنارلى توپىراعى رەتٸندە ەلەۋمەتتٸك تەڭسٸزدٸكتٸ كٷشەيتۋدە. سوندىقتان قاۋٸپسٸزدٸك پەن ەدٸل ەلەم باستى مەسەلە سانالادى. بۇۇ قاۋٸپسٸزدٸك كەڭەسٸنٸڭ تۇراقتى ەمەس مٷشەسٸ رەتٸندە ونىڭ جۇمىستارىنا بەلسەندٸ قاتىسا وتىرىپ, قازاقستان ادامزاتتىڭ دامۋىنا كەدەرگٸ كەلتٸرەتٸن جاھاندىق پروبلەمالاردى شەشۋ ٷشٸن شۇعىل شارالار قابىلداۋ قاجەتتٸگٸن انىق جەنە ەكٸۇشتى ويسىز ايتتى», - دەدٸ نۇرسۇلتان نازارباەۆ.
بۇل رەتتە ەلباسى ەلەمدٸك قاۋٸپسٸزدٸككە بۇۇ قاۋٸپسٸزدٸك كەڭەسٸنٸڭ كٷش-جٸگەرٸمەن عانا قول جەتكٸزۋگە بولمايتىندىعىن باسا اتاپ ٶتتٸ.
«بٷگٸندە بارلىعىمىز, ونىڭ ٸشٸندە وسى زالدا وتىرعان دٸني جەنە قوعام قايراتكەرلەرٸ, ساياساتكەرلەر سەنٸمنٸڭ جاھاندىق داعدارىسىن ەڭسەرۋگە ٶز ٷلەسٸن قوسۋلارى تيٸس», - دەدٸ مەملەكەت باسشىسى.
