سۋرەت: اشىق دەرەككٶز
مەدەنيەت جەنە اقپارات مينيسترلٸگٸ "فيلمگە پروكاتتاۋ كۋەلٸگٸن بەرۋ قاعيدالارىن بەكٸتۋ تۋرالى" بۇيرىققا ٶزگەرٸس ەنگٸزبەك, دەپ حابارلايدى "ۇلت اقپارات" Stan.kz اقپارات اگەنتتٸگٸنە سٸلتەمە جاساپ.
بۇيرىق جوباسى "اشىق نقا" سايتىندا جارييالانعان جەنە 26 ماۋسىمعا دەيٸن قوعامدىق تالقىلاۋدا بولادى.
قازٸر فيلمدٸ پروكاتقا شىعارۋ ٷشٸن مينيسترلٸكتەن پروكاتتاۋ سەرتيفيكاتىن الۋ جەتكٸلٸكتٸ. جاڭا ٶزگەرٸستەرگە سەيكەس فيلمدٸ پروكاتقا شىعارۋ تۋرالى شەشٸم ۇجىمدىق تٷردە قابىلدانادى. بۇل تٷزەتۋ كينوتەاترلاردا كٶرسەتٸلەتٸن فيلمدەردٸ باقىلاۋعا الۋ ماقساتىندا ەنگٸزٸلمەك.
"كينەماتوگرافييا سالاسىنداعى ۋەكٸلەتتٸ ورگاننىڭ جازباشا ٶتٸنٸشٸ بويىنشا كٶرسەتٸلەتٸن قىزمەتتٸ الۋشى پروكات كۋەلٸگٸن الۋ ٷشٸن فيلمٸن كٶرسەتۋٸ قاجەت. كينوتەاترعا شىعارۋ ٷشٸن شىعارىلعان فيلمدەردٸ قاراۋدى قۇرامىندا ۋەكٸلەتتٸ ورگاننىڭ, پرەزيدەنتٸ ەكٸمشٸلٸگٸنٸڭ ٶكٸلدەرٸنەن تۇراتىن كينەماتوگرافييا سالاسىنداعى ۋەكٸلەتتٸ ورگاننىڭ جانىنان قۇرىلعان كوميسسييا جٷزەگە اسىرادى", – دەلٸنگەن بۇيرىق جوباسىندا.
سوڭعى بەس جىل ٸشٸندە ۇلتتىق كينەماتوگرافييانى قولداۋ مەملەكەتتٸك ورتالىعى 103 جوبانى قارجىلاندىرسا, ونىڭ 98-ٸ اياقتالىپ, 23-ٸ عانا جارىققا شىققان, ياعني بيۋدجەت قارجىسىنا تٷسٸرٸلگەن 75 فيلم بٸردە-بٸر رەت جارىققا شىقپاعان.
اتالمىش 98 فيلمدٸ تٷسٸرۋگە بيۋدجەتكە 19 ملرد تەڭگە بٶلٸنگەن. ال بۇل فيلمدەردٸڭ پروكاتىنان تٷسكەن تابىس بار-جوعى 1,5 ملرد تەڭگەنٸ قۇراعان.
تەك ەكٸ فيلم عانا كاسسادا تابىس تاپقان: "وفلاين دەمالىس-2" (38 ميلليون بيۋدجەتپەن تٷسٸرٸلٸپ, 90 ميلليون تەڭگە جينادى) جەنە "دوس-مۇقاسان" (424 ميلليون تەڭگەمەن قارجىمەن تٷسٸرٸلٸپ, پروكاتتان تٷسكەن تابىس 503 ميلليون تەڭگەنٸ قۇرادى).
"قازاقستاندىق كٶرەرمەندەردٸڭ ەلٸ كٷنگە دەيٸن كەيبٸر فيلمدەردٸ كٶرمەۋٸنٸڭ سەبەبٸ – پروديۋسەرلەر مەن اۆتورلاردىڭ پروكاتقا قىزىعۋشىلىق تانىتپاۋى, ٶيتكەنٸ ولار جوبالاردى جٷزەگە اسىرۋ كەزٸندە-اق ٶز قالاماقىسىن الىپ الادى", – دەلٸنگەن مەدەنيەت جەنە اقپارات مينيسترلٸگٸنٸڭ 2024 جىلدىڭ اقپانىنداعى حابارلاماسىندا.
ەسكە سالساق, بۇعان دەيٸن "قازاقفيلمنٸڭ" ۆيتسە-پرەزيدەنتٸ 5 جىلعا سوتتالعانى تۋرالى جازعان ەدٸك.
