فوتو:gov.kz
بٷگٸن مەملەكەت باسشىسى قاسىم-جومارت توقاەۆ قازاقستان حالقىنا جولداۋ جاسادى. جولداۋدا پرەزيدەنت بٸرقاتار ٶزەكتٸ مەسەلەلەردٸ كٶتەردٸ. سونىڭ ٸشٸندە بٸلٸم بەرۋ سالاسى دا بار.
ULT.KZ تٸلشٸسٸ IUTH ۋنيۆەرسيتەتٸ, “تۋريزم” مەكتەبٸنٸڭ اعا وقىتۋشىسى نۇرجان ەبدٸرازاقوۆتان جولداۋداعى بٸلٸم بەرۋ سالاسى تۋرالى اسپەكتٸلەرگە ساراپتامالىق كوممەنتاريي سۇراعان ەدٸ. سۇحباتتاسىمىز پرەزيدەنتتٸڭ مەكتەپكە دەيٸنگٸ تەربيە تۋرالى ايتقان تۇسىنا بىلاي پٸكٸر بٸلدٸردٸ:
«پرەزيدەنت مەكتەپكە دەيٸنگٸ تەربيەنٸڭ ماڭىزدىلىعىنا نازار اۋدارىپ, بالالاردى بالاباقشامەن قامتاماسىز ەتۋ مەسەلەسٸن تٷپكٸلٸكتٸ شەشۋدٸ تالاپ ەتتٸ. مەنٸڭ ويىمشا, بۇل ەلدٸڭ بولاشاعى ٷشٸن ماڭىزدى قادام, سەبەبٸ بالاباقشاعا بارۋ بالالاردىڭ دامۋىنا, ەلەۋمەتتٸك داعدىلارىن قالىپتاستىرۋعا ٷلكەن ەسەر ەتەدٸ. سونىمەن قاتار, تەربيەشٸلەردٸڭ مەرتەبەسٸن ارتتىرۋ جەنە ولاردىڭ جالاقىسىن كٶبەيتۋ قاجەتتٸلٸگٸ اسا دۇرىس باعىتتاعى شارالار دەپ ەسەپتەيمٸن. بۇل مامانداردىڭ كەسٸبي دەڭگەيٸن جوعارىلاتۋعا جەنە بٸلٸم بەرۋ ساپاسىن ارتتىرۋعا زور ىقپال ەتەدٸ دەپ ويلايمىن», -دەدٸ ول تٸلشٸمٸزگە.
فوتو: نۇرجان ەبدٸرازاقوۆ iuth.edu.kz
ايتا كەتەيٸك, مەملەكەت باسشىسى جولداۋدا ورتا بٸلٸم بەرۋ ساپاسى مەن مەكتەپ فورماسىنا قاتىستى مەسەلەلەرگە توقتالعان.
«بٸز 2025 جىلعا دەيٸن 800 مىڭ بالانىڭ زاماناۋي مەكتەپتە وقۋىنا جاعداي جاسايمىز. وسىلايشا, اپاتتى جاعدايداعى جەنە ٷش اۋىسىممەن وقيتىن مەكتەپ مەسەلەسٸن تولىق شەشەمٸز. بۇل اۋىل جەنە قالا مەكتەپتەرٸنٸڭ ايىرماشىلىعىن ەدەۋٸر ازايتادى», - دەدٸ پرەزيدەنت ٶز سٶزٸندە.
بۇل تۋرالى پٸكٸر بٸلدٸرگەن نۇرجان ەبدٸرازاقوۆ «جايلى مەكتەپ» ۇلتتىق جوباسىنىڭ جٷزەگە اسىرىلۋى مەكتەپتەردەگٸ جاعدايدى جاقسارتۋعا باعىتتالعان ماڭىزدى باستاما دەپ سانايتىنىن ايتتى.
«بۇل اۋىل مەن قالا مەكتەپتەرٸنٸڭ اراسىنداعى ايىرماشىلىقتى ازايتۋعا كٶمەكتەسەدٸ جەنە اپاتتى جاعدايداعى مەكتەپتەردٸڭ مەسەلەسٸن شەشۋگە مٷمكٸندٸك بەرەدٸ دەپ ەسەپتەيمٸن. وسىلايشا, بارلىق وقۋشىلار ٷشٸن تەڭ بٸلٸم بەرۋ مٷمكٸندٸكتەرٸ قامتاماسىز ەتٸلەدٸ دەپ ەسەپتەيمٸن. ال مەكتەپ فورماسىن بارلىق وقۋشىعا قولجەتٸمدٸ ەتۋ قاجەتتٸلٸگٸ – ەلەۋمەتتٸك ەدٸلەتتٸلٸكتٸ قامتاماسىز ەتەتٸن ماڭىزدى قادام دەپ ەسەپتەيمٸن. بۇل وتاندىق جەڭٸل ٶنەركەسٸپتٸ دامىتۋعا دا ىقپال ەتەدٸ, ەرٸ ەلەۋمەتتٸك ەلسٸز توپتاعى بالالارعا قولداۋ كٶرسەتۋ ارقىلى ولاردىڭ بٸلٸم الۋداعى مٷمكٸندٸكتەرٸن تەڭەستٸرەدٸ دەپ ويلايمىن», -دەيدٸ سۇحباتتاسىمىز.
پرەزيدەنت پەداگوگيكالىق جوعارى وقۋ ورىندارىن اككرەديتاتسييالاۋدىڭ جاڭا ستاندارتتارىن ەنگٸزۋدٸ جەنە ۇستازداردىڭ قۇزىرەت اياسىن ايقىنداۋدى تاپسىردى.
«بۇل بٸلٸم بەرۋ ساپاسىن كٶتەرۋگە جەنە مۇعالٸمدەردٸڭ كەسٸبي دەڭگەيٸن نىعايتۋعا باعىتتالعان ماڭىزدى قادام دەپ سانايمىن», -دەيدٸ نۇرجان ەبدٸرازاقوۆ.
«قوعامدا قازاق جەنە ورىس تٸلٸن مەكتەپتە وقىتۋ مەسەلەسٸ جٶنٸندە پٸكٸرتالاس بولىپ جاتىر. ناقتى ايتايىن: بٸز قازاق تٸلٸن دە, ورىس تٸلٸن دە جاقسى بٸلەتٸن بالالاردى تەربيەلەۋٸمٸز قاجەت. سەبەبٸ, بۇل ۇرپاقتىڭ مٷددەسٸ ٷشٸن كەرەك. وقۋ-اعارتۋ مينيسترلٸگٸ پوپۋليستەردٸڭ جەتەگٸندە كەتپەي, بالالاردىڭ مٷددەسٸن قورعاۋعا تيٸس. بٸلٸمدٸ جەنە بٸرنەشە تٸلدٸ مەڭگەرگەن ۇرپاق بولاشاققا سەنٸممەن قادام باسادى. بٸزدٸڭ كٷشٸمٸز – جاستاردىڭ بٸلٸمٸندە», -دەگەن بولاتىن قاسىم-جومارت توقاەۆ جولداۋدا.
بۇل تۋرالى پٸكٸر بٸلدٸرگەن نۇرجان ەبدٸرازاقوۆ قازاق جەنە ورىس تٸلدەرٸن قاتار وقىتۋ تۋرالى پٸكٸرتالاستارعا قاتىستى پرەزيدەنتتٸڭ ۇستانىمى – تٷرلٸ ەلەم تٸلدەرٸن جوعارى دەڭگەيدە مەڭگەرگەن مۋلتيلينگۆيست ۇرپاق تەربيەلەۋ ماقساتى دەپ ويلايدى.
«تٷرلٸ تٸلدەردٸ مەڭگەرگەن ەرينە دۇرىس, بٸراق, قازاق تٸلٸنٸڭ رٶلٸ ەڭ بٸرٸنشٸ ورىنعا قويىلۋى تيٸس دەپ سانايمىن», -دەيدٸ ول.
پرەزيدەنت جولداۋىندا تەحنيكالىق جەنە كەسٸبي بٸلٸم بەرۋ مەسەلەسٸنە دە توقتالىپ ٶتتٸ. سۇحباتتاسىمىزدىڭ ويىمشا, بۇل سالا ەڭبەك نارىعىنىڭ سۇرانىسىنا ساي بولۋى تيٸس.
«پرەزيدەنت تەحنيكالىق جەنە كەسٸبي بٸلٸم بەرۋ جٷيەسٸن جاڭا ەكونوميكالىق باعىتتارمەن سەيكەستەندٸرۋ قاجەتتٸگٸن اتاپ ٶتتٸ. بۇل قادام ەلدٸڭ ەكونوميكالىق دامۋىنا ىقپال ەتەدٸ جەنە جاستاردى ەڭبەك نارىعىنا تيٸمدٸ بەيٸمدەيدٸ دەپ ەسەپتەيمٸن», -دەيدٸ نۇرجان ەبدٸرازاقوۆ.
قورىتىندىلاي كەلە, IUTH ۋنيۆەرسيتەتٸ, “تۋريزم” مەكتەبٸنٸڭ اعا وقىتۋشىسى نۇرجان ەبدٸرازاقوۆ پرەزيدەنتتٸڭ جولداۋىندا بٸلٸم بەرۋ سالاسىن دامىتۋعا باعىتتالعان كٶپتەگەن ماڭىزدى باستامالار ۇسىنىلعانىن ايتىپ وتىر. ونىڭ پٸكٸرٸنشە بۇل قادامدار ەلدٸڭ جارقىن بولاشاعىنا تيٸمدٸ ينۆەستيتسييا رەتٸندە قاراستىرىلۋى تيٸس.
