Foto:gov.kz
Búgin Memleket basshysy Qasym-Jomart Toqaev Qazaqstan halqyna Joldaý jasady. Joldaýda prezident birqatar ózekti máselelerdi kóterdi. Sonyń ishinde bilim berý salasy da bar.
ULT.KZ tilshisi IUTH Ýniversiteti, “Týrizm” mektebiniń aǵa oqytýshysy Nurjan Ábdirazaqovtan joldaýdaǵy bilim berý salasy týraly aspektilerge saraptamalyq kommentarii suraǵan edi. Suhbattasymyz Prezidenttiń mektepke deiingi tárbie týraly aitqan tusyna bylai pikir bildirdi:
«Prezident mektepke deiingi tárbieniń mańyzdylyǵyna nazar aýdaryp, balalardy balabaqshamen qamtamasyz etý máselesin túpkilikti sheshýdi talap etti. Meniń oiymsha, bul eldiń bolashaǵy úshin mańyzdy qadam, sebebi balabaqshaǵa barý balalardyń damýyna, áleýmettik daǵdylaryn qalyptastyrýǵa úlken áser etedi. Sonymen qatar, tárbieshilerdiń mártebesin arttyrý jáne olardyń jalaqysyn kóbeitý qajettiligi asa durys baǵyttaǵy sharalar dep esepteimin. Bul mamandardyń kásibi deńgeiin joǵarylatýǵa jáne bilim berý sapasyn arttyrýǵa zor yqpal etedi dep oilaimyn», -dedi ol tilshimizge.
Foto: Nurjan Ábdirazaqov iuth.edu.kz
Aita keteiik, memleket basshysy joldaýda orta bilim berý sapasy men mektep formasyna qatysty máselelerge toqtalǵan.
«Biz 2025 jylǵa deiin 800 myń balanyń zamanaýi mektepte oqýyna jaǵdai jasaimyz. Osylaisha, apatty jaǵdaidaǵy jáne úsh aýysymmen oqityn mektep máselesin tolyq sheshemiz. Bul aýyl jáne qala mektepteriniń aiyrmashylyǵyn edáýir azaitady», - dedi Prezident óz sózinde.
Bul týraly pikir bildirgen Nurjan Ábdirazaqov «Jaily mektep» ulttyq jobasynyń júzege asyrylýy mektepterdegi jaǵdaidy jaqsartýǵa baǵyttalǵan mańyzdy bastama dep sanaitynyn aitty.
«Bul aýyl men qala mektepteriniń arasyndaǵy aiyrmashylyqty azaitýǵa kómektesedi jáne apatty jaǵdaidaǵy mektepterdiń máselesin sheshýge múmkindik beredi dep esepteimin. Osylaisha, barlyq oqýshylar úshin teń bilim berý múmkindikteri qamtamasyz etiledi dep esepteimin. Al mektep formasyn barlyq oqýshyǵa qoljetimdi etý qajettiligi – áleýmettik ádilettilikti qamtamasyz etetin mańyzdy qadam dep esepteimin. Bul otandyq jeńil ónerkásipti damytýǵa da yqpal etedi, ári áleýmettik álsiz toptaǵy balalarǵa qoldaý kórsetý arqyly olardyń bilim alýdaǵy múmkindikterin teńestiredi dep oilaimyn», -deidi suhbattasymyz.
Prezident pedagogikalyq joǵary oqý oryndaryn akkreditatsiialaýdyń jańa standarttaryn engizýdi jáne ustazdardyń quzyret aiasyn aiqyndaýdy tapsyrdy.
«Bul bilim berý sapasyn kóterýge jáne muǵalimderdiń kásibi deńgeiin nyǵaitýǵa baǵyttalǵan mańyzdy qadam dep sanaimyn», -deidi Nurjan Ábdirazaqov.
«Qoǵamda qazaq jáne orys tilin mektepte oqytý máselesi jóninde pikirtalas bolyp jatyr. Naqty aitaiyn: biz qazaq tilin de, orys tilin de jaqsy biletin balalardy tárbieleýimiz qajet. Sebebi, bul urpaqtyń múddesi úshin kerek. Oqý-aǵartý ministrligi popýlisterdiń jeteginde ketpei, balalardyń múddesin qorǵaýǵa tiis. Bilimdi jáne birneshe tildi meńgergen urpaq bolashaqqa senimmen qadam basady. Bizdiń kúshimiz – jastardyń biliminde», -degen bolatyn Qasym-Jomart Toqaev joldaýda.
Bul týraly pikir bildirgen Nurjan Ábdirazaqov qazaq jáne orys tilderin qatar oqytý týraly pikirtalastarǵa qatysty Prezidenttiń ustanymy – túrli álem tilderin joǵary deńgeide meńgergen mýltilingvist urpaq tárbieleý maqsaty dep oilaidy.
«Túrli tilderdi meńgergen árine durys, biraq, qazaq tiliniń róli eń birinshi orynǵa qoiylýy tiis dep sanaimyn», -deidi ol.
Prezident joldaýynda tehnikalyq jáne kásibi bilim berý máselesine de toqtalyp ótti. Suhbattasymyzdyń oiymsha, bul sala eńbek naryǵynyń suranysyna sai bolýy tiis.
«Prezident tehnikalyq jáne kásibi bilim berý júiesin jańa ekonomikalyq baǵyttarmen sáikestendirý qajettigin atap ótti. Bul qadam eldiń ekonomikalyq damýyna yqpal etedi jáne jastardy eńbek naryǵyna tiimdi beiimdeidi dep esepteimin», -deidi Nurjan Ábdirazaqov.
Qorytyndylai kele, IUTH Ýniversiteti, “Týrizm” mektebiniń aǵa oqytýshysy Nurjan Ábdirazaqov Prezidenttiń joldaýynda bilim berý salasyn damytýǵa baǵyttalǵan kóptegen mańyzdy bastamalar usynylǵanyn aityp otyr. Onyń pikirinshe bul qadamdar eldiń jarqyn bolashaǵyna tiimdi investitsiia retinde qarastyrylýy tiis.
