فوتو: Otbasym.kz
19 ناۋرىزدا ەربٸر قازاقستاندىقتىڭ ٶمٸرٸندە جاڭا كەزەڭنٸڭ باستالۋىن بٸلدٸرەتٸن جاڭارۋ كٷنٸ تويلانادى.
ناۋرىز مەيرامى تەك قۋانىشتى تويلاۋ عانا ەمەس, ٶتكەندٸ سارالاپ, بولاشاققا جوسپار قۇرۋدىڭ ۋاقىتى.
جىل سايىن 19 ناۋرىزدا جاپپاي اعاش وتىرعىزۋ دەستٷرٸ قازاقستاننىڭ جاڭارۋ كەزەڭٸن, دامۋى مەن گٷلدەنۋٸن بەينەلەيدٸ.
ناۋرىز ايىندا تابيعاتتا بولاتىن ٶزگەرٸستەر
اتا-بابالارىمىز تابيعاتتى, جانۋارلاردىڭ مٸنەز-قۇلقىن, ٶسٸمدٸكتەر مەن اۋا رايى قۇبىلىستارىن ٷنەمٸ باقىلاپ جٷرگەن. ناۋرىز ايىندا تابيعات قىسقى ۇيقىسىنان ويانىپ, ٶسٸمدٸكتەر مەن جانۋارلار ەلەمٸ جاندانا باستايدى. حالىق ولارعا لايىقتى اتاۋلار بەرگەن.
ناۋرىزگٷل, ناۋرىزشەشەك, بەيشەشەك ناۋرىز ايىندا قىلتيىپ بوي كٶتەرٸپ, تاۋ بٶكتەرٸندە ٶسەتٸن العاشقى ٶسٸمدٸكتەر. سەل كەيٸنٸرەك دالا قىزعالداق پەن سارعالداق گٷلدەرٸمەن كٶمكەرٸلەدٸ. بۇل ٶسٸمدٸكتەر قازاقستاننىڭ قىزىل كٸتابىنا ەنگٸزٸلگەن.
ناۋرىزەك, ناۋرىزكٶك, جىلقىشى تورعاي سيياقتى قۇستار باقىت قۇستارى دەپ ەسەپتەلەدٸ. ولار ناۋرىز ايىندا كٶكتەم حابارشىسىنداي بولىپ جىلى جاقتان ۇشىپ كەلەدٸ. بۇل قۇستاردى قارسى الۋ ٷلكەن باقىت. مالشىلار ولارعا بەرۋ ٷشٸن قالتاسىنا دەندٸ داقىل- دار سالىپ جٷرەتٸن.
قازاق حالقىنىڭ نانىم-سەنٸمٸ بويىنشا, ناۋرىزدىڭ العاشقى ٷش كٷنٸنٸڭ بٸرٸندە جەر بەتٸنەن ەرەك- شە گۋٸل ەز جٷرٸپ ٶتەدٸ. بۇل كٷنٸ تابيعات جاندانىپ, جەردٸڭ جٷزٸ قۇلپىرا باستايدى. ەزدٸڭ جٷرٸپ ٶتكەنٸن العاشقى بولىپ قويلار سەزەدٸ. حالىقتا «ەز بولماي, مەز بولمايدى» دەگەن سٶز بار.
كٶكتەمنٸڭ كەلگەنٸن جانۋارلاردىڭ مٸنەز-قۇلقىنان دا بايقاۋعا بولادى. مىسالى, ناۋرىز ايىنىڭ ورتا- سىندا سۋىر ٸنٸنەن شىعادى. ەگەر ول ٸنٸنەن ۇزاپ كەتسە, كٶكتەم ەرتە شىعادى. ەگەر ٸنٸنٸڭ تٶڭٸرەگٸندە عانا جايىلسا, قىس ەلٸ كٷشٸندە دەگەن سٶز.
