فوتو: primeminister.kz
پرەمەر-مينيستر ەليحان سمايىلوۆ شىمكەنت قالاسىن دامىتۋدىڭ ٶزەكتٸ مەسەلەلەرٸ جەنە وسى جىلدىڭ 27 قاڭتارىندا مەگاپوليسكە جۇمىس ساپارى اياسىندا بەرٸلگەن تاپسىرمالاردىڭ ورىندالۋ بارىسى جٶنٸندە كەڭەس ٶتكٸزدٸ, دەپ حابارلايدى "ۇلت اقپارات" primeminister.kz سايتىنا سٸلتەمە جاساپ.
ورتالىق مەملەكەتتٸك ورگاندار مەن قالا ەكٸمدٸگٸنٸڭ باسشىلارى قاتىسقان كەڭەستە تۇرعىن ٷي, اۆتوجول, «جۇلدىز», «بوزارىق» جەنە «تاسساي» يندۋسترييالىق ايماقتارىنىڭ ينجەنەرلٸك ينفراقۇرىلىمىن سالۋ, «سايرام» ەلدٸ مەكەنٸندە جىلىتۋ جٷيەلەرٸ مەن سورعى ستانسالارىن رەكونسترۋكتسييالاۋ, قازاندىقتاردى جاڭعىرتۋ, سۋمەن جابدىقتاۋ نىساندارىن جەنە الماتى تاس جولى بويىنداعى «تۇران» ماگيسترالدىق كەرٸز كوللەكتورىن سالۋ بويىنشا شارالار قارالدى.
سونىمەن قاتار وڭتٷستٸك ٶڭٸرلٸك حاب قۇرۋ شەڭبەرٸندە ساۋدا-لوگيستيكالىق ورتالىقتى كەڭەيتۋ جەنە مٶز اينالاسىندا مۇناي شيكٸزاتىن تەرەڭ ٶڭدەيتٸن جاڭا ٶنەركەسٸپتٸك كەسٸپورىنداردى ٸسكە قوسۋ مەسەلەلەرٸ تالقىلاندى.
پرەمەر-مينيستر ەنەرگەتيكا مينيسترلٸگٸنە شىمكەنت مۇناي ٶڭدەۋ زاۋىتىنىڭ قۋاتتىلىعىن بۇرىن جوسپارلانعانداي جىلىنا 9 ملن توننا ەمەس, قازٸرگٸ 6 ملن توننادان 12 ملن تونناعا دەيٸن ارتتىرۋ تەسٸلدەرٸن قايتا قاراۋ قاجەتتٸگٸن اتاپ ٶتتٸ. سونداي-اق بۇل جۇمىستى جاڭادان سالىناتىن قايتا ٶڭدەۋ كەسٸپورىندارىنىڭ قۇرىلىسىمەن قاتار جٷرگٸزۋ كەرەك.
«بٸزگە شالا-شارپى جۇمىستىڭ كەرەگٸ جوق. بۇل جوباعا قوماقتى قارجى قۇيىلادى, سوندىقتان قۋاتتىلىقتى جىلىنا 6 ملن تونناعا دەرەۋ ارتتىرۋ قاجەت. ججم-گە دەگەن سۇرانىس جىلدان جىلعا ارتىپ كەلەدٸ. ەكونوميكا ٶسۋدە, حالىق سانى كٶبەيٸپ, كەسٸپورىندار ٶزدەرٸنٸڭ اينالىمىن ارتتىرۋدا. بۇل پروتسەستەردٸڭ بەرٸن, ونىڭ ٸشٸندە ججم ٶندٸرٸسٸن ۇلعايتۋ ارقىلى قولداۋ قاجەت», — دەدٸ ەليحان سمايىلوۆ.
سونداي-اق كەڭەستە جاڭا مەدەني-اعارتۋ نىساندارىن اشۋ, نەسيەلٸك تۇرعىن ٷيلەردٸ ساتۋ, ساتىپ الۋداعى جەرگٸلٸكتٸ قامتۋ ٷلەسٸن ارتتىرۋ, «قايناربۇلاق» تۇرعىن الابىن گازبەن قامتاماسىز ەتۋ, ينۆەستيتسييالىق جوبالاردى جٷزەگە اسىرۋ ٷشٸن ەلەۋمەتتٸك-كەسٸپكەرلٸك كورپوراتسييالاردىڭ جەر تەلٸمدەرٸن بەرۋ تەتٸگٸن جەتٸلدٸرۋ جەنە تاعى باسقا بٸرقاتار شارالار قارالدى.
«مەملەكەتتٸك ورگاندار قالا ەكٸمدٸگٸمەن بٸرلەسە وتىرىپ, وسى تاپسىرمالاردى ۋاقىتىلى ەرٸ ساپالى ورىنداۋ ٷشٸن بارلىق تيٸستٸ شارالاردى قابىلداۋى قاجەت», — دەپ تٷيٸندەدٸ سٶزٸن پرەمەر-مينيستر.
