Foto: primeminister.kz
Premer-Ministr Álihan Smaiylov Shymkent qalasyn damytýdyń ózekti máseleleri jáne osy jyldyń 27 qańtarynda megapoliske jumys sapary aiasynda berilgen tapsyrmalardyń oryndalý barysy jóninde keńes ótkizdi, dep habarlaidy "Ult aqparat" primeminister.kz saityna silteme jasap.
Ortalyq memlekettik organdar men qala ákimdiginiń basshylary qatysqan keńeste turǵyn úi, avtojol, «Juldyz», «Bozaryq» jáne «Tassai» indýstriialyq aimaqtarynyń injenerlik infraqurylymyn salý, «Sairam» eldi mekeninde jylytý júieleri men sorǵy stansalaryn rekonstrýktsiialaý, qazandyqtardy jańǵyrtý, sýmen jabdyqtaý nysandaryn jáne Almaty tas joly boiyndaǵy «Turan» magistraldyq káriz kollektoryn salý boiynsha sharalar qaraldy.
Sonymen qatar ońtústik óńirlik hab qurý sheńberinde saýda-logistikalyq ortalyqty keńeitý jáne MÓZ ainalasynda munai shikizatyn tereń óńdeitin jańa ónerkásiptik kásiporyndardy iske qosý máseleleri talqylandy.
Premer-Ministr Energetika ministrligine Shymkent munai óńdeý zaýytynyń qýattylyǵyn buryn josparlanǵandai jylyna 9 mln tonna emes, qazirgi 6 mln tonnadan 12 mln tonnaǵa deiin arttyrý tásilderin qaita qaraý qajettigin atap ótti. Sondai-aq bul jumysty jańadan salynatyn qaita óńdeý kásiporyndarynyń qurylysymen qatar júrgizý kerek.
«Bizge shala-sharpy jumystyń keregi joq. Bul jobaǵa qomaqty qarjy quiylady, sondyqtan qýattylyqty jylyna 6 mln tonnaǵa dereý arttyrý qajet. JJM-ge degen suranys jyldan jylǵa artyp keledi. Ekonomika ósýde, halyq sany kóbeiip, kásiporyndar ózderiniń ainalymyn arttyrýda. Bul protsesterdiń bárin, onyń ishinde JJM óndirisin ulǵaitý arqyly qoldaý qajet», — dedi Álihan Smaiylov.
Sondai-aq keńeste jańa mádeni-aǵartý nysandaryn ashý, nesielik turǵyn úilerdi satý, satyp alýdaǵy jergilikti qamtý úlesin arttyrý, «Qainarbulaq» turǵyn alabyn gazben qamtamasyz etý, investitsiialyq jobalardy júzege asyrý úshin áleýmettik-kásipkerlik korporatsiialardyń jer telimderin berý tetigin jetildirý jáne taǵy basqa birqatar sharalar qaraldy.
«Memlekettik organdar qala ákimdigimen birlese otyryp, osy tapsyrmalardy ýaqytyly ári sapaly oryndaý úshin barlyq tiisti sharalardy qabyldaýy qajet», — dep túiindedi sózin Premer-Ministr.
